Barcelona oo dooneysa inay heshiis cusub ka saxiixato Denis Suarez
Barcelona ayaa lagu soo waramayaa inay xiiseyneyso Denis Suarez inay qandaraas cusub ka saxiixato ka hor inta uusan u dhaqaaqin Arsenal.
Suarez ayaa ku lug lahaa kulankii Barcelona ee Copa del Rey lugta labaad ee wareega 16ka Champions League habeenkii khamiista, laakiin 25 jirkaan ayaa ku dhibtooday inuu si joogto ah u ciyaaro xilli ciyaareedka 2018-19ka.
Arsenal ayaa si aad ah loola xiriirinayay laacibkaan todobaadyadii la soo dhaafay, waxaana la fahamsan yahay in Gunners ay qarka u saaran tahay inay amaah ku qaadato Suarez islamarkaana laga yaabo inuu si joogta ah ugu ciyaaro xilli ciyaareedyo kale.
Si kastaba ha ahaatee, sida laga soo xigtay The Metro, Barcelona ayaa dooneysa inay Suarez ka saxiixato qandaraas cusub uu ku sii joogaayo Camp Nou ka hor inta uusan kooxda qaab deen ah kaga bixin.
Heshiiska uu haatan kula joogo kooxda Barcelona ayaa dhacaya 2020, waxaana warbixintaani sheegtay in kooxda heysata horyaalka Spain inay dooneyso inay ilaaliso qiimaha uu ku leeyahay suuqa hadii uu dhaawac ka soo gaaray kooxda waqooyiga London.
Suarez, oo Manchester City u soo ciyaaray intii u dhaxeysay 2011 iyo 2013, kaliya 17 daqiiqo ayuu ciyaaray Barcelona xilli ciyaareedkan.
