Sawirro: Dekedda iyo Horseed oo bareejo ku hishiiyay,iyo Elman FC fursad weyn iska lumisay.
kooxaha Dekedda iyo Horseed ayaa maanta ciyaaray kulan xiisa badan oo ka tisanaa horyaalka Somaliya 2018/2019.
kulankaan oo muhiim weyn u lahaa labada koxood islamarkaan go’aaminaayay loolanka horyaalka ayaa ku soo dhamaaday 1-1 oo ay labada kooxood isla dhaafi waayen.
Muhiimadda ugu weyn uu kulankaan lahaa ayaa ahaa in ay labada kooxood ay isku dhibca ahaayeen,ayadoo ay wada lahaayeen min 32 dhibcood.
kulankaan ayaa ku bilaawday si xoogan,ayadoo Horseed ay soo gashay ,ayadoo uu ka maqanyahay laacibkooda Farxaan duqo halka Dekedda kulankaan dib u heshay daafacooda birta ah ee Siid Cali Baana.
kulankaan ,wuxuu ahaa mid xoogan labada kooxood ayaa laba gool iska dhaliyay 20-kii daqiiqo ee ugu horeesay ciyaarta,xili Horsdeed ay la hormartay goolka,waxaana u dhaliyay laacibka lagu magacaabo ibraahim Rasta.
Daqiiqado yar ka dib kabtan Cabaas Amin ayaa kooxdiisa u soo celiyay goolka looga hormaray,waxaana qaybtii hore lagu kalanastay1-1.
Markii dib la iskugu soo laabtay qaybtii labaad ee ciyaarta kooxda Horseed ayaa dhowr fursad iskudayday in ay sameeyo,balse iska qasaarisay.
ugu dambeentii kulankaa wuxuu ku soo dhamaaday 1-1 oo ay labada kooxood isla dhaafi waayeen,wuxuna ahaa kulan muhiimad weyn ugu fadhiyay labada dhinac.
Labada kooxood ayaa hada wada leh min 33 dhibcood,waxaana u harsan min sedex kulan ayadoo kooxda Dekedda laba kulan ka mid ah ay wajihi doonto kooxaha kalaha Muqdisho City iyo Heegan FC.
kulankaan waxaa uu ahaa kulankii ugu taageraha badnaa horyaalka Somaliya xili ciyaareedka 2018/2019,waxaa goob joog ahaa in ka badan sedx kun oo daawadayaal.
kulankaan waxaa garsoore ka ahaa garsoore Xasan Maxamed Xaaji (Xasan Baari),kaaliyaha kowaad waxaa ahaa Sulaymaan Bashiir Siikh,kaaliya labaad wuxuu ahaa Axmed Cabdullahi farax(Baroode),Sargaalka afaraad wuxu ahaa Garoosre Kaafi Shiine.
Dhinaca kale kulan oo asna ka tirsanaa horyaalka Somaliya waxa uu ka dhacay garoonka jaamacadaha,waxa uu kulankaan u dhexeeyay kooxaha kala ah Elman FC iyo Jaziira Sports Clup.
Elman FC ayaa ka faaiidan kari weesay bar baraha maanta ay galeen Horsdeed iyo Dekedda,waxa ay bareejo 2-2 ah ku hishiiyeen kooxda Jazira.
HALKAAN HOOSE KA DAAWO SAWIRRADA KULANKII DEKEDDA V HORSEED
