Wakiilka Bruno Fernandes oo wadahadalo la yeeshay Tottenham Hotspur
Tottenham Hotspur ayaa wadahadal la furtay wakiilka xiddiga qadka dhexe ee Sporting Lisbon Bruno Fernandes, sida lagu sheegay warbixin cusub.
Fernandes ayaa la rumeysan yahay inuu xiiso ka helay Manchester United, Liverpool iyo Tottenham ka dib markii uu soo bandhigay qaab ciyaareed cajiib ah.
Xiddiga heerka caalami ee dalka Portugal ayaa dhaliyay 20 gool iyo 13 caawiye intii lagu gudajiray xili ciyaareedkaan 2018-19, taasoo keentay in Sporting uu kor u qaado qiimihiisa ,waxa ayna ka dhigtay £ 64m.
Wargayska reer Portuguese A Bola ayaa sheegay in Spurs ay diyaar u tahay inay u dhaqaaqdo 24 jirkaan, iyadoo wakiilkiisa Miguel Pinho uu Isbuucaan ku sugnaa London si uu ugala hadlo heshiiska.
Man United ayaa horay ula xiriirtay Fernandes, laakiin warbixinta ayaa muujineysa in weli aysan weli go’aansaneynin inay dalab rasmi ah u gudbinayaan.
