Moise Kean oo si rasmi ah ugu biiray kooxda Everton.
Kooxda Everton ayaa lasoo saxiixatay 19 jirka weerarka uga ciyaara kooxda Juventus Moise Kean heshiis shan sano ah ayuuna kooxda reer England ku yimid.
Kean ayaa u dhaliyay sideed gool 21 kulan uu u saftay Juve, kaasoo uu ku kooxda ku soo biiray asiga oo da’diisu 10 jir tahay, waxaana uu dhaliyay labo gool seddexdii kulan ee uu Italy ciyaaray.
Waxa uu noqonayaa saxiixii shanaad ee Everton ee xagaagan, ,wuxuu ku yimid kooxda aduun dhan 25 milyan ginni taasoo kor u kici karta 27.5 milyan ginni.
Kean ayaa yiri: “Sharaf weyn iyo sharaf ayay ii tahay inaan xirto maaliyada Everton.
Waan ku qanacsanahay inaan la saxiixdo maxaa yeelay Everton waa koox mustaqbal raadineysa sidaasna aniga. Waan ogahay baaxadda naadiga. Waxay leedahay hammi weyn waxaanan si aad ah uga shaqeyn doonaa inaan caawiyo oo an fuliyo ,waxa ay kooxda hiigsanayso.
waxa ay kooxda doonaysaa in ay guuleesato si lamid ah aniga sidaas ayaa doonayaa,waxaa rabaa in aan ka qyab qaato rumeenta riyada kooxda ayuu yiri Kean.
Markii la soo saxiixday Kean, Tababaraha Everton Marco Silva wuxuu yiri: “Weeraryahan wuxuu ahaa mid ka mid ah saxiixyadeenna mudnaanta koowaad xagaagaan.
Moise waa mid xoogan, oo tayo badan leh oo ku wanaagsan dhanka weerarka, waana 19 sano jir. Wuxuu leeyahay karti, wuxuuna diyaar u yahay inuu shaqeeyo, diyaarna u yahay inuu horumariyo kooxdeena wuxuuna u rajeenaynaa in uu intaas uu idil ka soo baxo.
Jimcihii ayaa kooxda ay la soo saxiixatay ciyaaryahanka qadka dhexe ee kooxda Mainz Jean-Philippe Gbamin heshiis shan sano ah oo uu ku kacayay 25 milyan ginni.
Andre Gomes ayaa si rasmi ah uga soo dhaqaaqay kooxda Barcelona aduun dhan 22 milyan ginni, ciyaaryahanka qadka dhexe ee Fabian Delph ayaa kaga soo biiray Manchester City 10 milyan ginni iyo goolhaye Jonas Lossl ayaa ka yimid Huddersfield Town.
Saxiixa rikoorka ah ee Everton ayaa ah xiddiga qadka dhexe Gylfi Sigurdsson, kaasoo Swansea uga yimid 45 milyan ginni sanadkii 2017.
Kooxda Toffees ayaa iska iibisay qadka dhexe Idrissa Gueye,waxa ay ka iibisay kooxda Paris St-Germain aduun dhan 30 milyan ginni, sidoo kale ciyaaryahanka garabka ka ciyaara Ademola Lookman ayaa RB Leipzig ugu iibisay aduun dhan 16 milyan ginni.
