Cristiano Ronaldo: Waxaan doonayaa inaan ku guuleysto abaalmarinta Ballon d’Or in kabadan Lionel Messi
Cristiano Ronaldo ayaa sheegay inuu doonayo inuu ku guuleysto abaalmarino badan oo ah Ballon d’Or in ka badan inta uu heesto ciyaaryahanka ay sida weyn u xafiiltamaan ee Lionel Messi.
Weeraryahanka kooxda Juventus Ronaldo, oo 34 jir ah, ayaa ku guuleystay abaalmarinta shan jeer – inta jeer ee uu 32 jirka weerarka uga ciyaara Barcelona Messi oo asna shan jeer ku guuleestay.
“Messi wuxuu ku jiraa taariikhda kubbada cagta – laakiin waxaan u maleynayaa inay tahay inaan helo lix ama toddobo ama sideed si aan isaga ugu horeeyo ” ayuu yiri Ronaldo oo waraysi siiyay ITV Cristiano Ronaldo ,waxaaana wareestay nika lagu maacaabo Meets Piers Morgan.
Ronaldo, oo 15 koob kula guuleystay Real Madrid sagaal sano gudaheed, oo ay ku jiraan afar koob oo Champions League ah, ayaa rajeynaya in lagu xasuusto inuu ka mid yahay ciyaartoydii ugu fiicnaa ee abid kubada cagta ciyaaray.
“Waan hubaa inaan taariikhda kubbada cagta ku jirto wixii aan qabtay iyo wixii aan qaban doono, ayuu yiri Kabtanka Portugal oo rajo wanaagsan ka qaba in uu guul ku soo gabagabeeyo waayihiisa ciyaareed.
Aniga ahaan, lambarka koowaad ee taariikhda, hadii aan ahayn wax micno ah iima ah,waxaa filayaa in wax walba ay noqon doonaan laakiin taageerayaasha qaar, haddii lambarka koowaad uu yahay mid kale oo aan ahay kan labaad, wax micno ah ma lahan.
Waan ogahay inaan ahay mid ka mid ah ciyaarayahanada ugu fiican aariikhda kubada cagta laakiin muhiimadayda waa in aan guul ka gaaraa inta ka harsan waayahayaga ciyaareed.
