Jose Mourinho oo loo magacaabay macalinka cusub ee kooxda Tottenham isagoo bedelaya Mauricio Pochettino
Jose Mourinho ayaa loo magacaabay Tababaraha Tottenham, isagoo bedelaya Mauricio Pochettino oo shaqada laga ceyriyay Talaadadii.
Tababarihii hore ee Chelsea iyo Manchester United Mourinho ayaa saxiixay heshiis ilaa dhamaadka xilli ciyaareedka 2022-23.
56 jirka reer Portugal ayaa yiri: “Tayada labada koox iyo akadeemiyadeyda waa ay iga farxinayaan. La shaqeynta ciyaartoydan ayaa ah waxa i soo jiitay. ”
Gudoomiyaha Spurs Daniel Levy ayaa yiri: “Jose waxaan haysanaa mid ka mid ah maamulayaasha ugu guulaha badan kubada cagta.”
Tottenham ayaa gaartay finalka Champions League xilli ciyaareedkii hore intii uu maamulaayay Pochettino laakiin waxaa guuldarro ka soo gaartay Liverpool ciyaar ka dhacday Madrid.
Tababaraha reer Argentine, oo loo magacaabay May 2014, ayaa ku guul darreystay inuu koobab ku guuleysto waqtigiisii uu macalin u ahaa kooxda ka dhisan waqooyiga London, iyadoo Spurs koobkeedii ugu horeeyay final geeyay uu ahaa League Cup 2008.
Levy wuxuu raaciyay: “Isaga (Mourinho) wuxuu leeyahay qibrad badan, wuu dhiiri gelin karaa kooxaha waana xeelad weyn.
Waxa uu ku muteystay sharaf walba koox kasta oo uu tababarayay. Waxaan aaminsanahay inuu tamar iyo aaminaad u keeni doono qolka labiska.
Mourinho weli wuxuu ku nool yahay London wuxuuna kula guuleystay seddex horyaal oo Premier League ah iyo hal FA Cup labo jeer oo uu soo maamulay Chelsea, halka uu kula guuleystay Koobka Europa League iyo Carabao Manchester United.
Waxa uu sidoo kale hore u soo maamulay kooxda reer Porto ee FC Porto – oo uu kula guuleystay Champions League – kooxda reer Talyaani ee Inter Milan, oo uu ku qaaday horyaalka, iyo Champions League wuxuu soo tababaray sidoo kale , iyo kooxda reer Spain ee Real Madrid, oo uu ku hogaamiyay La Liga.
Mourinho ayaa shaqada ka maqnaa tan iyo markii laga ceyriyay shaqada kooxda Manchester United bishii Diseembar 2018.
Wuxuu la wareegayaa koox Spurs ah oo ku jirta kaalinta 14aad ee Premier League oo aan wax guul ah gaarin shantii kulan ee ugu dambeysay.
Mourinho ayaa iska diiday fursado shaqo oo badan, oo ay ku jiraan Shiinaha, Spain iyo Boortaqiiska, tan iyo markii uu ka tagay Old Trafford.
Falanqaynta
Tifatiraha isboorti ee BBC Dan Roan
Spurs waligeed ma aysan soo kireynin tababare qaali ah oo dalbanaya lacag fara badan sida Mourinho, oo u baahan doono lacago xoogan uu kooxda galiyo sida Real Madrid iyo Manchester United.
Laakiin Spurs waxaay soo martay sanadihii ugu dambeeyay Pochettino. Waxay leeyihiin garoon cusub oo £ 1bn iyo garoon tababar ah, waxayna afar xilli ciyaareed oo isku xiga ku guuleysteen Champions League.
Haatan waxay leeyihiin koox reer yurub ah, iyo koox hibo leh oo tayo sare leh.
Mourinho ayaa garoomada ka maqnaa ku dhawaad hal sano laakiin gurigiisa uu ku nolaa,wuxuu ku yaalaa London.
Dhibaatooyinkiisii uu kala kulmay Manchester United waxay u arkeen inuu lumiyey maqaamkiisii ’Special One’, laakiin guulaha badan ee uu ka gaadhay ciyaarta ayaa wali leh amarro xushmad badan.
