KOOXDA MUQDISHO CITY OO MEEL ISKA SAARTAY GANTAALAHA KOOBKA JEN.DAA’UUD 2020
Kooxda Kubadda Cagta ee Muqdisho City Club ayaa galabta gaaartay guushii ugu horeeysay ee Koobka Jeneraal Daa’uud markii ay meel iska saartay kooxda Gantaalaha Afgooye ee ka dhisan gobolka Shabeelaha hoose, markii ay ku wada ciyaareen garoonka kubadda cagta ee Eng-yariisow degmada C/casiis kulan ku tirsanaa Group-ka B.
Kooxda Muqdisho City ayaa keliya 50 ilbiriqsi markii uu kulanku biloowday waxaa ay heshay uu u dhaliyey ciyaaryahanka Lagu Naaneyso JEEYNA oo lambrka 11-aad u qaata, sidoo kale MCC waqti badan kuma qaadan iney sii dheereeyaan Hogaanka Ciyaarta waxaa markale shabaqa dhaafiyey kubadda Xiddigooda Lambarka 10-aad FEYSAL XAASHI daqiiqadii 5-aad,waxayna garoonka dhaawac ahaan uga saareen ciyaaaryahan xassan Siidow oo Lambarka 12-aad u qaata daqiiqadii 34-aad waxaana soo galay ciyaaryahan C/kariiim Axmed oo Lambarka 3aad xiran, qeybtaasi koobaad waxaa lagu kala nastay 2-0 oo ay hogaanka ku hayeen kooxda MCC.
Markii dib loo soo laabtay Qeybtii labaad ee kulanka ayey dhinacyadu sameeyeen weerar ay midba ku doonayeen iney shabaqa ku tagaan iyadoo Gantaalaha ay raadineysay iney ugu yaraan soo celiyaan goolasha lagu hogaaminayey qeybta hore, laakiin Ciyaaryahan BAANUU ayaa MCC hogaanka u dheereeyey daqiiqadii 61-aad ee kulanka,
Isku dayo badan oo ay sameeyeen kooxda Gantaalaha waxaa ugu danbeystii u suurtagashay iney helaan Gool uu u saxiixey ciyaaryahan Xuseen C/Qaadir oo bedel kusoo galay kaasoo u qaata lambarka 29-aad wuxuuna goolkiisu yiid daqiiadii 89-aad, laakiin waxaa sheekadii halkeedii ku celiyey Ciyaryahan FEYSAL XAASHI oo gool u bedelay gool-kulaad ay MCC heshay daqiiqadii 90-aad wuxuuna kulanku kusoo dhamaaday 4-1 oo ay guushu ku raacday kooxda MUQDISHO CITY oo hadda 4 dhibic yeelatay Group B.
Garsooraha Kulanka wuxuu bixiyey ilaa 2 kaarka jaalaha oo labada dhinac ciyaaryahano u dheela la kala siiyey waxaana kooxuhu ay sameeyeen wadarta guud 6 bedel oo min 3 ciyaaryahan ah.
kulamada kale ee xiga MCC waxay wajihi doontaa kooxda BADBAADO halka kooxda GAN-AFGOOYE ay is arki doonaan GAADIIDKA waxayna kulamadaasi dhici doonaan 5-da bishan Oktoobar.
Tartankan Koobka Gen-Daa’uud ayaa ah Koob ay ku Xisaabtamaan kooxaha Dalka iney ku guuleystaan, waxaana ka qeybgala kooxaha kaalimaha hore kasoo gala horyaalada kala duwan, iyadoo sanadkan ay ka qeybgalayaan ilaa 16-kooxood, oo loo qeybiyey 4 Group.
