KOOXDA DEKEDDAHA OO XAQIIJISEY WAREEGA XIGA EE KOOBKA GEN-DAA’UUD 2020
Naadiga Kubadda cagta ee Dekedaha ayaa xaqiisey usoo bixitaanka wareega labaad ee Bug Baxda koobka xiisaha badan ee Jeneraal Daa’uud kaasi oo weli si xiiso badan uga socda garoomada Eng-yariisoow ex koonis iyo midka Jaamacadaha ee degmada Hodan gobolka banaadir.
Dekeddaha oo Group-ka C kujirta ayaa kulankeeda labaad ee dhanka groupka waxaa ay galabta ku wada ciyaareen garoonka Eng-yariisoow kooxda Saxafi fc kulankaasi oo ahaa mid ay gacan sareyntiisu lahad Dekedaha,oo dhowr kubadood oo fursad u muuqatay geeysay goolka kooxda Saxafi waxaana qeybtaasi koobaad u suurta gashay daqiiqadii 33=aad in Dekedaha ay helaan Gool-kulaad kadib markii kubadda oo kujirta diilinta ganaaxa gacanta ku taabtay daafaca Saxafi Siciid Axmed, waxaana gool u bedelay gool kulaadkaasi ciyaaryahan Cabaad Amiin Cali oo ah kabtanka Dekedaha.
Isla qeybtaasi kooxda Dekeddaha waxaa ay heleen ilaa 5 gees Kalaad taasoo muujineeysay sida ay u awood badnaayeen taasoo u suurta gelisey iney helaan goolkii labaad daqiiqadii 45-aad waxaana u saxiixey Lambarka 10-aad ee kooxda C/Casiis Maxamed Catoosh, waxaana qeybtaasi koobaad lagu kala nastay 2-0 oo ay ku hogaaminayeen kooxda Dejedaha.
Qeybta labaad ee kulanka markii lasoo laabtay ayey kooxda Dekeddaha waxaa ay sii wadeen werarkii iyadoo kooxda Saxafi ay sameeyeen Bedelo dhowr ah gaar ahaan Lambarka 8-aad Abshir abdi Xasan, waxaana soo galay Cabdi salaan, dhanka Dekedaha waxay bedeleen Maalik Akua , iyadoo kaarka Jaalaha loo taagay Lambarka 9-aad Reymond iyo lambarka 16-aad.
Kooxda Dekedaha ayaa heshay goolkii Saddexaad ee kulanka waxaana u saxiixay Ciyaaryahankooda Lambarka 12-aad Peter Empessa daqiiqadii 55-aad, waxaana kooxda Saxafi ay sameeyeeyn isku day dhowr ah wallow ay u badnaayeen kubado aan goolka wax halis ah gelinin oo la difaavay, iyadoo ugu danbeyntii kooxda Dekedda ay heshay goolkii Affaraad ee Ciyaarta daqiiiqadii 87-aad waxaana u saxiixay Ciyaaryahan ISxaaq Maxamed oo bedel lagu keenay waxaana kulanku kusoo dhamaaday 4-0 oo ay guushu ku raacday kooxda Dekeddaha oo sidaasi 6 dhibcood ku yeelatay iyagoo xaqiijiyey iney usoo gudbeen wareega labaad ee bug-baxda tartanka.
Kulanka ugu danbeeya ee Group-ka C kooxda DEKEDDAHA waxay la balan san tahay kooxda JEENYO oo iyagana xaqiijiyey soo bixitaan group-ka waxaana kulankaasi uu dhici doonaa 6-10-2020, isla maalinkaasi kooxaha tartanka isaga haray ee SAXAFI iyo WAXOOL.
