Kooxda Elman ayaa soo bandhigtay saxiixyada labo ciyaaryahan oo u dhashen dalka Uganda,waxa ay kala so wareegtay Kooxda ExpressFc ee ka ciyaarta Horyaalka Uganda Premier League.
Labada saxiix ayaa ah laba saxiix oo Elman FC doonayso in ay markiiba ciyaarsiiso tartanka kubdda cagta ee Janaral Daa’uud 2020.
Labada saxiix ee kooxda Elman FC soo bandhigtay ayaa kala ah,Avemar Shafiq oo ka ciyaara nNo:10-aad halka Nsubuga Hamdan uu ka ciyaaro booska khadka dhexe ee burburinta.
Elman FC kulankii kowaad ee ciyaartay koobka janaral Daa’uud 2020,waxa ay guuldaro kala kulantay kooxda Midnimo FC,waxaa looga badiyay 1-0.
Saxiixa ay Elman FC maanta soo bandhigtay,waxa uu ku soo beegmayaa xili kooxda ay iska fasaxday ciyaaryahan sakariye oo ku biiray kooxda Muqdisho City.
Elman FC,waxa ay ku jirtaa Group-D,waxaa ku wehliya Geeska Africa,Midnimo iyo kooxda Jamuuriya.
