GAADIIDKA OO SI ARXAN DARRO AH UGA BADISEY GANTAALAHA AFGOOYE KOOBKA JEN.DAA’UUD 2020
Kooxda Kubbadda Cagta ee GAADIIDKA ayaa guul daro xanuun badan u saarisey kooxda Degmada Afgooye ka timaada ee GANTAALAHA kadib kulan qeybka ahaa kulamadii ugu danbeeyey ee Group-yada gaar ahaan Group B, ciyaar ka dhacday garoonka Jaamacadaha ee degmada Hodan.
Gaadiidka ayaa la yaab ku dhigtey kooxda Gobolka Shabeelaha hoose kadib markii qeybtii koobaad ee ciyaarta goolal u muuqday kuwo lagu quusan karo ay ka dhalisey waxaana Gaadiidka awood u yeelatay iney 6-0 lagu kala nasto qeybtaasi hore, iyadoo saddexleey u dhaliyey Ciyaaaryahankooda lambarka 23-aad ee Steven halka ciyaaryahan Emeroi oo Lambarka 14-aad u qaatana uu dhaliyey 3 gool oo midka koobaad ahaa gool-kulaad.
Markii qeybta labaad leysku soo laabtay ayaa waxaa halkii kasii socdey weerarkii iyo lagu qaadayey goolka kooxda Gantaalaha o u muuqday kuwa aan la soconba sida ay wax u socdaan, waxaana dhacday in sidoo kale laga dhaliyo ilaa 4 gool oo kale oo halkaasi ay markale ka muuqdeey labada ciyaaryahan ee Ajaaniibta ahaa, iyadoo Steven uu halkaasi ku xaqiijiyey Affarareey inuu dhaliyo,
Ugu danbeyntii kulanku wuxuu kusoo dhamaaday 9-0 oo kooxda GAADIIDKA ay ku xaqiijyeen kaalinta Koobaad ee dhanka Group B ineey kusoo gudbaan iyagoo min 7 dhibic ay wadaagaan kooxda MCC laakiin Gaadiidka koobaad kusoo gudubtay,Garsooraha Ciyaarta ayaa waxaa uu bixiyey ilaa 5-kaarka digninta oo saddex kamida ay qaateen ciyaartoyda kooxda Gantaalaha oo qeybta ugu hooseysa ku hartay iyagoo 12 gool laga dhaliyey.
