SAWIRRO: Kooxda Heegan FC oo maanta soo bandhigtay saxiixooda cusub ee Cabdulqaadir Aadan Eenow (BENTEKE).
Kooxda kubbdda cagta Heegan FC oo maanta soo bandhigtay saxiixooda cusub ee Cabdulqaadir Aadan Eenow oo kaga soo biiray kooxda Muqdisho City.
Saxiixaan ayaa ahaa saxiix deg deg ahaa oo ay kooxda Heegan si rasmi ah u soo bandhigtay maadaama uu dhamaaday hishiiskii kooxdiisi hore ee MCC.
Gudoomiyaha kooxda Heegan FC Cabdiraxmaan Axmed Mursal ayaa ku tilmaamay saxiixaan in uu kooxda muhiim u yahay islamarkaan uu rajeenaayo In uu si deg deg ah kooxda uu wax wayn ugu badal,asiga oo dhanka kale tilmaamay in kooxda ay maalmaha soo aadan sameen doonto saxiiyo kale oo muhiim ah.
Tababaraha kooxda Heegan Mahad Maxamed Xaaji ayaa sheegay in uu saxiixaan yahay saxiix kooxda muddo ay baadi goobeesay uuna qayb ka yahay qorshaha isbadalka ee kooxda bilaawda.
Cabdulqaadi Aadan Eenow ayaa ku tilmaamay ku biiristiisa kooxda Heegan FC riyo u rumoowday,wuxuu yiri,halkaan waa meel cajiib ah xaqiiqatan waxaa u mahadcelinayaa maamulka shaqaalaha tababarka iyo taageeryaasha kooxda MCC oo wax walba ii sameeyay,tani waa doorashadayda in an bilaawo tartan cusub,aniga oo ka soo jeesanaayo halkaan ku biirista kooxdan waa wax wayn sababtoo ah waa mid ka mid ah kooxihii ugu horeeyay dalka ka hirgalay.
Waxaa u mahadcelinayaa gudoomiyaha kooxda Heegan,waxa uu itusay sida ay muhiim ugu tahay isbedel ku yimaada kooxdaan dhamaanteen waxaa rajeenaynaa in aan wada guuleesano,waxaa sidoo kale u mahadcelinayaa taageeryaasha kooxda Heegan oo halkaan si wayn iigu soo dhaweeyay.
Cabdulqaadir Aadan Eenow, Wuxuu ka mid ahaa kooxd Muqdisho City muddo shan sano ah,wuxuu kula guuleystay laba koob oo horyaal, hal koob oo Janaral Daa’uud ah’iyo hal koob oo super cup ah.
