SAWIRO: Muxuu Ku Soo Dhamaaday Kulankii U Dhexeeyay Degmooyinka X/Wayne Iyo Shangaani.
Ciyaartan oo ahayd Mid Ka tirsan Guruubka C Tartanka Degmooyinka Gobalka Banaadir oo Dhexeesay Degmooyinka X/wayne Iyo Shangaani Ayaa Galabta lagu Ciyaaray Garoonka Eng-yariisoow, labada Degmo ayaa Soo Bandhigeen Qaybtii hore Qaab Ciyaareed Weerar Iyo Weerar Celis ah, Daqiiqadihii hore ee Kulanka Degmada X/wayne ayaa Ka Faa’’iideysatay Kubad Dhiibasho ah uu Qaladkeedii lahaa Goolhayaha Degmada Shangaani Cabdishakuur Cali waxaana Gool u Beddalay Ciyaaryahanka Lambarka 21-aad Cabdiwahaab Aweys Daqiiqadii 13-aad ee Ciyaarta.
Qaybtii hore ee kulanka labada Degmo ayaa Abuureen Fursado goolal loo Filan karay balse Ciyaarta ayaa ku Soo Dhamaatay 1-0 ay Ku Hoggaamineysay Degmada X/wayne, Garsoore Najiib Cawil ayaa Qaybtii hore ee Ciyaarta bixiyay labo Kaar oo ah Kaarka Digniinta Waxaana la Siiyay Ciyaartoyda Degmada X/wayne Kaarkii Ugu Horreeyay Waxaa Loo taagay Lambarka 19-aad Sardhaaye Liiban kadib Markii Uu Kubadda Gacanta Ku Taabtay halka calaamadda kale la Siiyay Lambarka 2-aad Maxamed Cabduqaadir, Ciyaartoyda Degmada Shangaani Wax Calaamad Lama Siin Qaybtii hore ee Ciyaarta.
Marka Dib La Isugu Soo Laabtay Qaybtii Labaad ee Ciyaarta Degmada X/wayne Ayaa Samaysay Beddalo Si ay U Xoojiyaan Daafacooda Waxaana Ciyaarta Beddal Looga Saaray Lambarka 2-aad Maxmed Cabduqaadir oo Qabay Kaarka Digniinta Iyadoo Lagu Beddalay Lambarka 10-aad Cabdirashiid Xasan Daqiiqadii 50-aad Kulanka, Sidoo Kale Qaybtii Labaad Degmada X/wayne waxey Beddal ku Keentay Ciyaaryahanka Lambarka 16-aad Mudalib Nuur oo Lagu Beddalay Dhaliyihii Goolka ay ku Adkaaden Degmada X/wayne Cabdiwahaab Aweys Daqiiqadii 89-aad ee ciyaarta.
Dhanka Degmada Shangaani ayaa iyguna Samayeen labo Beddal waxaa Ciyaarta Soo galay Lambarka 11-aad Yaasiin Abuukar waxaana Lagu Beddalay Maslax Maxamed Daqiiqadii 63-aad ee Kulanka Sidoo kale Waxaa Ciyaarta Beddal Ku Soo galay Yuusuf Nuur oo Lagu beddalay Xasan Cabdi.
Degmada Shangaani Waxaa Soo Martay Fursad aad U wayn waxaana Kubadaas Birta Ku Dhuftay Ciyaaryahanka Beddalka Ku Soo Galay Yaasiin Abuukar Sidoo kale Degmada X/wayne iyaguna waxaa soo martay Fursado Ay Hoggaanka ku Dheereesan Kareen Laakiin Kama aysan Faa’’iideysan
Garsoore Najiib Cawil ayaa Qaybtii Labaad Bixiyay Calaamadda Casaanka Waxaana uu Ciyaarta Ka Saaray Lambarka 15-aad Maxamed Saalax oo Kaarkiisa Labaad loo taagay Daqiiqadii 90-aad ee Ciyaarta wuxuuna ka tirsanaa Ciyaartoyda Degmada X/wayne Dhanka Degmada Shangaani Waxaa 90-ka Daqiiqo hal calaamad oo ah Kaarka Digniinta Loo taagay Lambarka 3-aad Cabdixakiin Maxamed Daqiiqadii 73-aad ee kulanka Ciyaarta ayaana Ku Soo Dhamaatay 1-0 ay Ku Adkaatay Degmada X/wayne
Guruubkan C waxaa Ku jiraan Illaa Shan Degmo oo kala ah X/wayne Shibis Shangaani Warta Nabada, Howlwadaag Degmooyinka X/wayen Iyo Howlwadaag ayaa leh min 4-Dhibcood halka Shibis ay Leedahay 2-dhibic Warta-nabada ayaa leh Hal dhibic’’
WQ/ Daacad
