Kooxda kubadda cagta Elman FC ayaa manta warbaahinta u soo bandhigtay saxiix kale waxaana ay la soo warreegeen ciyaaryahankii hore naadiga Horseed Nuune Haashim Axmed kaasi oo ka mid ah ciyaartoyda ugu wanaagsan khadka dhexe ciyaartoyda ka ciyaarta horyaalka heerka 1-aad ee dalkeena somaaliya.
Nuune Haashim waxaa kooxda Elman ku soo dhaweeyay Xoghayaha guud ee ciyaaraha Maxamed Cumar Xaashi iyo xubno kale oo ka tirsan maamulka sportska kooxda Elman saxiixan cusub ay samaysay naadiga Elman ayaa dad badan waxey ku ahayd lama filaan maadaama Nuune Haashim Axmed uu in muddo ah u ciyaarayay kooxda Horseed.
Nuune Haashim Axmed ayaa intii uu ka tirsanaa kooxda horseed waxaa uu kula guuleystay 3-jeer Koobka General Daa’’’uud waxaana uu sidoo kale soo ahaa kabtanka kooxda Horseed oo labadii sano ugu dambeysay lagu warreejiyay Ibraahim oo hadda ah kabtanka rasmiga ee kooxda horseed.
Dhawaan ayaa ahayd markii naadiga Elman ay soo bandhigtay ciyaartoy isugu jiro ajnabi iyo soomaali sidoo kale kooxda Elman Fc waxaa hoggaamin doono macalin cusub oo naadiga dhawaan ay ku dhawaaqday, Kooxda Elman ayaa horyaalkii dhamaaday 2019/2020 ku dhameysataykaalinta 3-aad iyagoo helay 34-dhibcood waxaana sanadka ay doonayaan ku guuleysiga horyaaka heerka 1-aad Somali Premier League.
WQ/ Daacad
