Waxaa shalay ka furmay magaalada muqdisho tartanka Astaan Cup oo ah tartan sanadle ah, oo loo qabto dhamaan shaqaqaalaha shirkada Astaan Tv xarumaha kala duwan ee ku leedahay magaaalada muqdisho waxaa sidoo kale sanadkaan ku lamaansan qaar ka mid ah garsoorayaasha xiriirka soomaalyeed ee kubada cagta iyo macalimiinta hoggaamiyaan qaar ka mid kooxaha ka dhisan dalkeena oo lagu marti qaaday ka qaybgalka tartankaan Astaan Cup.
Furitaanka tartanka waxaa ka soo qaybgalay maamulka shirkada Astaan Tv madax ka socotay xiriirka soomaaliyeed ee kubadaba cagta, garsoorayaal heer caalami ah iyo marti sharaf kale.
Tartankaan ayaa lagu furay Guruubka A ay ku wada jiraan kooxaha Astaan sports Astaan Sales Astaan Filims iyo Astaan Music ciyaarta furitaanka oo ahayd mid aad u xiiso badan ayaa dhexmartay kooxaha kala ah Astaan Sports iyo Astaan Music waxaana labada koox ay soo bandhigeen kubad aad u qurux badan, qaybtii hore ee ciyaarta ayaa lagu kala nastay 1-0 ay ku hoggaaminayeen Astaan Sports waxaana jiray fursado badan ay labada dhinac abuureen qaybtii hore ee kulanka.
Marka dib la isugu soo laabtay qaybtii labaaad ee ciyaarta Astaan Music ayaa la timid goolkii barbaraha ahaa waxaana ciyaarta ay noqotay 1-1 hase yeeshee mar kale wariyaasha Astaan Sports ayaa ciyaarta ka dhigeen 2-1 ciyaarta ayaana noqotay mid aad u xiiso badan, qeebihii dambe kulanka Astaan Music ayaa dhaliyeen labo gool waxaana natiijada ciyaarta ay ku soo dhamaatay 3-2 ay ku adkaatay Astaan Music.
Ciyaartan waxaa garsoore ka ahaa Garsoore Axmed Jimcaale oo ah garsoore u diiwaan gashan xiriirka soomaaliyeed ee kubadda cagta.
Dhanka kale waxaa galabta la ciyaari doonaa kulan ka tirsan tartanka Astaan Cup waxaana wada ciyaari doono kooxaha ku wada jiro Guruubka B Garsoorayaasha Iyo Xogheenta.
