SAWIRRO: Muxuu Ku Soo Dhamaaday Kulankii U Dhexeeyay Kooxaha Muqdisho City & G/Afrika.
Kulankan oo ka tirsanaa horyaalka heerka koobaad ee dalkeena Somali Premier league ayaa galabta wuxuu dhexmaray kooxaha kala ah Muqdisho City iyo G/Afrika ciyaartan oo ahayd mid aad u xiiso badan waxey labada kooxood abuureen fursado aad u qatar badan, daqiiqadii 32-aad ee kulanka daafaca dambe ee kooxda muqdisho city Axmed Baanu ayaa hoggaanka u dhiibay kooxdiisa kadib markii uu madax ku dhaliyay kubad aheyd laadka xurta (Free Kick) waxaana kubadaas soo laaday Xasan Santoos, qaybtii hore ee ciyaarta ayaa lagu kala nastay 1-0 ay ku hoggaamineysay kooxda muqdisho city.
Marka dib la isugu soo laabtay qaybtii labaad kooxda kubada cagta G/afrika waxey sameeyeen iskudayo ay ku doonayeen goolka barbaraha ee ciyaarta hase yeeshee waxaa quusiyay oo goolkii labaad ka dhaliyay ciyaaryahanka ku cusub kooxda muqdisho city lambarka 18-aad Axmed Xuseen daqiiqadii 67-aad ee ciyaarta kaasoo lagu beddalay Cabdala Ismaaciil Axmed wuxuu kamid ahaa ciyaartoydii u ciyaareysay tartankii degmooyinka degmada Balcad, wuxuuna kulankan u ahaa kulankiisa ugu horreeyay uu u safto kooxda Muqdisho, natiijada kulanka ayaana ku soo dhamaatay 2-0 ay ku adkaatay kooxda muqdisho city oo kala warreegtay hoggaanka horyaalka Somali Premier league naadiga heegan.
Qaybtii labaad ee ciyaarta waxaa calaamada hurdiga loo taagay labo kamid ah xiddigaha kooxda kubadda cagta G/afrika C/fitaax Xasan Bare iyo Hanad Siyaad, kooxda Geeska afrika waxaa soo gaartay guuldaradii ugu horreysay horyaalka maadaama kulankoodii ugu horreeyay ay barbaro la galeen kooxda jeenyo.
Maalinta beri waxaa wada ciyaari doono kooxaha Gaadiidka iyo Raadsan
WQ/Daacad
