SAWIRRO: Kooxda K/cagta Raadsan Oo Guul Ka Gaartay Naadiga Elman SPL.
Kooxaha Elman iyo Raadsan ayaa galabta kuwada ciyaaray garoonka Eng-yariisoow kulan ka tirsanaa horyaalka Somaali Premier League, ciyaartan oo ahayd mid aad u xiiso badan qaybtii hore ee kulanka naadiga Elman waxey soo bandhigeen ciyaar ku dhisan qaab weerar halka kooxda raadsan ay soo bandhigeen qaab ciyaareed ku dhisan daafac waxaana lagu kala nastay 0-0 qaybtii hore ee kulanka xili ay jireen fursado ay abuureen labada kooxood.
Garsoore Xasan Kaafi Shiine ayaa bixiyay labo kaar oo ah kaarka digniinta qaybtii hore ee ciyaarta, waxaana lakala siiyay labada kooxood kaarkii ugu horreeyay waxaa loo taagay ciyaaryahanka kooxda Raadsan lambarka 17-aad u xirto Cabaas Aaadan Muuse daqiiqadii 39-aad ee kulanka halka kaarka labaad la siiyay lambarka 2-aad Nuur Ibraahim oo ka tirsan kooxda Elman.
Marka dib la isugu soo laabtay qaybtii labaad kooxda kubada cagta raadsan ayaa heshay gool waxaana u dhaliyay lambarka 6-aad Yaasiin Aweys Maxamed Daqiiqadii 56-aad kubad laga soo laaday garabka midig ayuu goosha kooxda elman ku hubsaday, kooxda elman waxey heleen fursado laakiin kama aysan faa’’iideysan fursadahaasi natiijada ciyaarta ayaana ku soo dhamaatay 1-0 ay ku adkaatay kooxda raadsan.
Qaybtii labaad garsoore Xasan Kaafi ayaa bixiyay illaa iyo 5 kaar oo ah kaarka digniinta waxaana saddex kamid ah la siiyay ciyaartoyda kooxda Elman xiddigaha kala ah Maxamuud Maxamed Jeele, Cusmaan Salaad Iyo Maxamed Nuur halka labo calaamad ay qaateen xiddigaha kooxda raadsan Bashiir Aweys Iyo Xasan Siidow, taas oo ka dhigan wadarta guud in kooxda elman loo taagay illaa 4-kaar oo ah kaarka hurdiga halka kooxda raadsan ay qaateen saddex kaar oo ah kaarka digniinta.
Guusha ay galabta ay gaartay kooxda raadsan waxey kula warreegtay hoggaanka horyaalka Somaali Premier League waxaana xusid mudan in aan wax gool ah laga dhalin sadexdii kulan ay soo ciyaartay kooxda raadsan.
WQ/Daacad
