SAWIRRO: Heegan Oo Guul Dirqi ah Ka Gaartay Gaadiidka Kulan Ka Tirsanaa SPL.
Kooxda kubadda cagta heegan ayaa guul dirqi ah ka gaartay naadiga Gaadiidka kulankaan oo ka tirsanaa horyaalka somaali Premier league oo galabta lagu ciyaaray garoonka Eng-yariisoow, labada kooxood ayaa qaybtii hore ee ciyaaarta iska dhaliyay min 2 gool.
Kooxda kubadda cagta Gaadiidka ayaa ku hormareysay goolasha qaybtii hore waxaana daqiiqadii 9-aad gool u dhaliyay lambarka 7-aad Emereonye Chidiebere hase yeeshee naadiga heegan ayaa iska soo barbareysay daqiiqadii 14-aad waxaana goolka barbaraha u saxiixay Abdikaadir Eynoow oo lambarka 9-aad u xirto kooxda heegan, waxaana ka caawiyay goolkaasi Sserimura Bronson.
Naadiga gaadiidka oo qaybtii hore soo bandhigtay qaab ciyaareed wanaagsan ayaa mar kale waxey ciyaarta ka dhigeen 2-1 waxaana shabaqa heegan soo taabtay weeraryahanka lagu magacaabo Nickloos Kagaawa daqiiqadii 20-aad ee ciyaarta weeraro is daba joog ah kadib kooxda heegan waxey mar kale iska soo barbareeyeen goolkiii labaad waxaana mar kale shabaqa gaadiidka gool ku hubsaday Abdikaadir Eynoow kadib caawin uu ka helay Sserimura Bronson waxaana qaybta koobaad lagu kala nastay 2-2, Garsoore Maxamed Soomaali oo ahaa garsooraha kulankan ayaa bixiyay hal kaar oo ah kaarka hurdiga ama digniinta waxaana loo taagay ciyaaryahanka kooxda heegan lambarka 4-aad u xirto Sulemaan Siid Cali daqiiqadii 38-aad ee kulanka.
Marka dib la isugu soo laabtay qaybtii labaad ee ciyaarta kooxda heegan ayaa la soo laabatay qaab ciyaareed weerar ah taas keentay in helaan gool kulaad kadib markii daafaca kooxda gaadiidka Mowliid Cabdi diilinta ganaaxa ku jilaafay Sserimura Bronson daqiiqadii 72-aad waxaana gool kulaadkaasi gool u beddalay kabtanka kooxda heegan Mahad Saha natiijada ciyaarta ayaana ku soo dhamaatay 3-2 ay ku adkaatay kooxda heegan
Garsoore Maxamed Soomaali ayaa bixiyay qaybtii labaad seddax kaar oo ah kaarka digniinta waxaana labo kamid ah la siiyay ciyaartoyda kooxda gaadiidka xiddigaha kala ah Mowliid Cabdi Iyo Nickloos Kagaawa, dhinaca heegan waxaa loo taagay ciyaaryahanka lagu magacaabo Sserimura Bronson taas ka dhigan wadarta guud in labada kooxdood min 2 kaar ay qaateen 90-ka daqiiqo ee ciyaarta.
Horyaalka Somaalin Premier League ayaa la ciyaarayaa todabaadkii 5-aad xili hoggaanka horyaalka ay kooxda raadsan ku hayso 12-dhibcood waxaana maalinta khamiista ay la ciyaari doonaan kooxda Jeenyo.
WQ/ Daacad
