SAWIRRO: Kooxda Heegan oo guul muhiim ah ka gaartay dhigeeda Elman horyaalka SPL
Kooxaha kubada Cagta Heegan iyo Elman ayaa wada ciyaaray kulan ciyaareed kutirsanaa kulamadii Lixaad ee wejiga koobaad horyaalka heerka koobaad ee kubadda cagta dalka 2020/21 waxaana kulanka labada kooxood uu ahaa mid aad u adag oo ay ciyaartoydu sameeyeen isku dayo dhowr ah oo ay ku doonayeen iney hogaanka ku qabtaan.
Ciyaaryahanka kooxda Heegan Lambarka 4-aad Suleymaan Siid Cali ayaa qaatay kaarkii ugu horeeyay ee Digniinta daqiiqaddii 10-aad, sidoo kale garsoore Cumar Cartan waxaa uu kaarka digniinta Siiyey Maxamuud Cabdi Meyman oo isla Heegan katirsan iyo Nuur Tootow oo Elman u dheela,waxaana qeybtaasi hore daqiiqadii 20-aad gool kam’a ah iska dhaliyey Daafaca lambarka 2-aad ee kooxda ELMAN Nuur TooToow, iyadoo qeybtaasi lagu kala nastay 1-0 oo ay Heegan hogaanka ku hayeen.
Maxamed Shine oo lambarka 8-aad u qaata kooxda Elman ayaa qaatay Kaarka Digniinta qeybta labaad ee kulanka Kooxda Elman ayaa isku dayo sameeysay iyagoo bedel ku keenay Ciyaaryahan Marsial laakiin waxba uma suurta gelin kulanka wuxuu kusoo dhamaaday 1-0 oo ay Guul ku qaaday kooxda HEEGAN waana guuldaradii koobaad ee soo gaartay kooxda ELMAN tan iyo markii ay iska direen Macalinkoodii Muraad.
