Kooxda kubadda cagta Elman SC ayaa daqiiqado yar ka hor shaacisay in si rasmi ah uu ula warreegay shaqada macalinimo ee kooxda Elman SC, Macalin Axmed Cabdiraxmaan Cumar. Macalin Gaadamoow.
Kooxda kubadda cagta Elman SC ayaa macalin la”aan aheyd tan iyo markii shaqada macalinimo laga ceeriyay Macalin Muraad Abdukaadir bishii Febaraayo kadib markii uu ku guuldareystay in kooxda ku hoggaamiyo guulo tan iyo markaas waxaa naadiga Elman SC lala xiriirinayay macalimiin dhoor ah balse manta ayey kooxda ku dhawaaqday Macalin Gaadaamow.
Macalin Axmed Cabdiraxmaan Cumar oo ah macalin si weyn looga yaqaano horyaalka dalkeena soomaaliya ayaa xili ciyaareedkii 2014-2015 kula guuleystay horyaalka Somali premier league kooxda heegan sidoo kale naadiga raadsan oo kamid ah kooxaha hadda ka ciyaaro horyaalka heerka koowaad ayuu kula soo guuleystay xili ciyaareedkii 2019-2020 horyaalka heerka 2-aad ee dalkeena sidoo kale wuxuu xirfaddiisa macalinimo soo hoggaamiyay degmada xamar weyne uu kula guuleystay koobka degmooyinka gobolka banaadir.
Si kastaba kooxda Elman waxey ku shaacisay barta Facebooka ay ku leedahay in macalin Gaadaamoow uu yahay macalinka hoggaamin doono kooxda jaalayaasha walloow aysan faah faahin hishiishka ay ku hishiiyeen Macalin Gaadaamoow.
WQ/Daacad
