Kulamadii Ugu Dambeeyay Tartanka Astaan Business Cup 2021 Wareeggiisa 16-ka Oo Galabta la Ciyaari Doono
Galabta ayaa la ciyaari doono kulamadii ugu dambeeyay warreega 16-ka kooxood Tartanka Astaan Business Cup 2021 kaasi oo si xiiso leh ugu socdo garoonka macquul stadiom ee ku yaalo km4.
Kulamada maanta la ciyaari doono ayaa dhamaad u ah warreega 16-ka kooxood ee tartankan, iyadoo maalinta berrito la ciyaari doono kulumada warreega sideed dhamaadka,
Ciyaaraha galabta la ciyaari doono kulanka koowaad wuxuu dhexmari doono shirkadaha ganacsiga ee kala ah Aragsan Iyo Ubc waxaana kulankaan la baasan doona 03:50 pm marka ay ciyaartan soo dhamaato, waxaa kulanka xigo wada ciyaari doono shirkadaha kala ah Nasri iyo B/banaaadir saacadu markey tahay 04:50 waana kulamada ugu dambeeyo warreega 16-ka kooxood.
Ciyaarahan waa bug-bax kooxdiii laga adkaado ayaa isaga hari doonto tartanka Astaan Business Cup 2021 haddii kulamadan barbaro ku dhamaadaan waxaa lagu kala saari doona gool kulaadyo, illaa iyo haatan waxaa u gudbay warreegga sideed dhamaadka 6-kooxood waxaana la sugi doono labada kooxood ee galabta soo gudbi doonto warreegga sideed dhamaadka Tartanka Astaan Business Cup 2021.
Si kastaba tartanka Astaan Business Cup ayaa si xiiso leh ugu socdo magaalada muqdisho waxaana lagu ciyaaraa garoonka Macquul Stadiom oo ku yaalo KM4 tartankaan waxaa si gaar ah qabashadiisa iyo taabagalintiisu u leh Astaan Sprts halka garsoorayaasha tartankan dhexdhaxaadinayo ay ka socdaan xiriirka soomaaliyeed ee kubadda cagta.
