SAWIRRO: Kooxda Heegan oo guul ku biloowdey Wejiga Labaad Horyaalka dalka oo dib u furmay
Wejiga labaad horyaalka heerka Koobaad ee dalka Somali Premier league 2020/2021 ayaa dib uga furmay garoonka weyn ee Muqdisho Stadium kadib bilooyin Nasasho ah oo ay galeen dhamaan kooxaha dalka maadaama wejiga hore horyaalada lasoo gabo gabeeyey, waxaana kooxaha mudooyinkan ay wadeen tababar ay isugu diyaarinayeen wejigan labaad oo kooxaha ay doonayaan iney dadaal dheeri ah la yimaadaan.
Kulankii ugu horeeyey wejiga labaad waxa yeeshay Galabta kooxaha HEEGAN vs MIDNIMO iyadoo kulankaasi uu ahaa mid ay dhinacyadu ku muujiyeen isbedel iyo dadaal ka duwan midkii weliga hre, waxaase daqiiqadii ugu horeeysay hogaanka u dhiibay kooxda HEEGAN ciyaaaryahankooda Lambarka 14-aad MAHAD BASEEY, sidoo kale HEEGAN ayaa sii dheereysay Hogaanka Kulanka isla qeybtaasi koobaad markii daqiiqadii 32-aad Weeraryahanka Lambarka 9-aad C/QAADIR EENOOW dhaliyey gool ciyaarta ku qabsay in lagu kala nasto 2-0.
Goolhaye Cabaas Bashiir oo MIDNIMO shabaqa u ilaaliya ayaa daqiiqadi 41-aad dhaawac lagu saaray, waxaana qeybtii labaad ee ciyaarta kooxda MIDNMOgool usoo celiyey ciyaaryahankooda lambarka 3-aad Eyman maxamed kaasoo Caawin fiican ka helay Kasaaw kosiya, Ilaa labo ciyaaryahan ayaa kaarka Hurdiga ka qaatay dhanka MIDNIMO Halka kooxda Heegan uu Hal ciyaaryahan Kaarka Jaalaha ka siiyey garsoore sare Cumar Cartan,
waxaana xusid mudan in dhamaadkii ciyaarta Gool kulaaad ay heleen kooxda HEEGAN kaasoo hogaanka kusii dheereyn kareen laakiin waxaa Qasaariyey oo dibadda ku laaday laacibkooda Lambarka 19aad Cabdul Majiid, wuxuuna kulanku kusoo dhamaaday 2-1 guushu ku raacday kooxda HEEGAN FC.
