SAWIRRO: Xiriirka Soomaaliyeed Ee Kubadda Cagta Oo Agab Sports Ku Warreejiayay Xiriirka Putland.
Wafdi ka socdo xiriirka soomaaliyeed ee kubadda cagta ayaa gaaray caasimada putland ee Garoowe halkaasi oo kulamo ay kula qaateen masuuliyiin ka socdo xiriirka kubadda cagta Putland.
Socdaalka wafdiga ka socdo xiriirka kubadda cagta ee soomaaliya ayaa qayb ka ahaa furitaanka horyaalka heerka koowaad ee putland, maanta oo taarikhda ku beegantahay 15/06/2021 ka furmay caasimada Putland ee Garoowe, gaar ahaan garoonka kubadda cagta Mire Awaare oo muddooyinkii ugu dambeeyay dhismo ka socday kaasi oo lagu cayaari doono horyaalka heerka Koowaad ee Putland.
Socdaalka wafdiga xiriirka kubadda cagta ay ku tageen caasimada Putland waxaa ku wehlinayo qaar kamid ah garsoorayaasha xiriirka soomaaliyeed ee kubadda cagta.
Wafdiga ayaa maanta guddoonsiiyay agab sports xiriirka kubadda cagta ee putland,
waxeyna iska warreysteen sida lagu hormarin lahaa dhammaan kooxaha u diiwaangashan xiriirka kubadda cagta Putland.
Ugu dambeyntii galabta ayuu si rasmi ah u furmay horyaalka heerka koowaad ee kubadda cagta Putland waxaana kulanka furitaanka wada cayaaray kooxaha Garoowe City iyo Boosaaso City kulankaan ayaa ku dhammaaday barbaro 2-2 ay isku mari waayeen labada kooxood ee lagu furay horyaalka kubadda cagta ee Putland.
WQ/Daacad
