Kulan saaxibtimo oo xalay dhexmaray xulalka kubadda cagta jabouti iyo Soomaaliya ayaa lagu cayaaray dalka Jabuuti.
Cayaartan oo ahayd mid saaxiibtinimo waxey xulka qaranka dalkeena soomaaliya ugu diyaar garoowayaan tartanka kubadda cagta FIFA Arab Cup 2021, oo isreeb-reebkiisa ay la cayaari doonaan 20/06/2021, xulka kubadda cagta Cumaan.
Kulankan ayaa mid aad u xiiso badan waxay labadda xul ay soo bandhigeen qaab cayaareed aad u wanaagsan qaybtii koowaad ee cayaarta, xulka kubbadda cagta jabouti ayaa heleen goolka ay kaga adkaadeen xulka qaranka dalka Soomaaliya waxaana u saxiixay cayaaryahanka lagu magacaabo Ducaale Maxamuud daqiiqadii 31-aad ee cayaarta.
Waxaa jiray fursado ay abuureen cayaartoyda xulka qaranka soomaaliya hase yeeshee ma aheyn fursado ay ka faa”iideysteen natiijada kulanka ayaana ku dhammaatay 1-0 ay ku adkaadeen xulka kubadda cagta jabuuti.
Si kastaba waa kulankii labaad oo xulka qaranka soomaaliya ay la cayaaraan xulka jabuuti labo maalin ka hor ayey ahayd markii xulka soomaaliya 3-0 ay kaga adkaadeen xulka dhalinyarada jabuuti.
WQ/Daacad
