SAWIRRO: Kooxda Horseed oo Guul Wayn Ka Gaartay Geeska Afrika Lana Wareegtay Hoggaanka Horyaalka S.P.L.
Kooxda kubbadda cagta horseed ayaa guul muhiim ah ka gaartay naadiga G/afrka kulan cayaareed qayb ka ahaa wejiga labaad ee horyaalka dalkeenna Somali premier League oo lagu cayaaray garoonka Muqdisho Stadium.
Cayaarta oo ku bilaawatay weerar iyo weerar celis waxey labada kooxood qaybtii hore soo bandhigeen cayaar aad u qurux badan walloow kulankan ay ku gacan sareysay kooxda Horseed haddane xiddigaha naadiga G/afrika waxey soo bandhigeen cayaar aad u wanaagsan, naadiga horseed ayaa la timed goolkii koowaad daqiiqadii 18-aad kubbad uu u dhaliyay lambarka 28-aad Ibraahim Ilyaas waxaana caawiyay Farxaan Xiddig goolkaas ayaa lagu kala nastay qaybtii koowaad.
Marka dib la isugu soo laabtay qaybtii labaad ee kulanka naadiga horseed waxey la soo laabatay weerar joogta ah oo ay ku dhaliyeen saddex gool, daqiiqadii 58-aad ee cayaarta waxaa goolkii labaad u saxiixay naadiga horseed cayaaryahanka lambarka 9-aad Mahad Shiine, waxaana goolkii saddexaad raacsaday lambarka 22-aad Joshu Abbdal halka bandhiga goolasha uu soo gabagabeeyay lambarka 21-aad Naif Maxamed oo beddal ku soo galay kulanka daqiiqadii 92-aad, natiijada kulanka ayaana ku soo dhammaatay 4-0 ay ku adkaatay kooxda Horseed.
Garsoore Cabdi Fitaax Saciid Mire ayaa bixiyay kaarka digniinta afar kaar waxaana saddex kamid ah loo diiwaangaliyay kooxda horseed waxaa loo taagay xiddigaha kala ah lambarka 15-aad Nuur Cumar lambarka 21-aad Naif Maxamed iyo lambarka 4-aad Cali Cade halka kooxda Geeska Afrika kaliya loo diiwaangaliyay kaliya hal kaar waxaana qaatay lambarka 15-aad Maxamed Nuur
Guusha ay gaartay kooxda Horseed ayaa ka dhigan iney kala warreegtay hoggaanka horyaalka kooxda MCC walloow min 31-dhibcood wada leeyihiin hase yeeshee naadiga Horseed ayaa farqiga goolasha ku hayso hoggaanka horyaalka Somali Premier League.
WQ/Daacad
