SAWIRRO: kooxda MCC oo hogaanka ku keli ahaatay kadib guul muhiim ah oo ay ka gaartay Midnimo horyaalka S.P.L
Kooxda kubadda cagta ee Muqdisho City Club ayaa ku keli ahaatay horyaaalka Somali Premier league markii ay galabta guul muhiim ah ka gaartay dhigeeda Midnimo ciyaar xiiso badneyd oo ay usoo xaafireen taageerayaasha labada dhinac iyo dadweyne kale oo xiiseeyahs kubadda cagta.
Kulanka ayaa ku biloowdey dardar weerar iyo weerar celis ah,iyadoo koox weliba ay dooneysay iney saddex dhibcood ls hoyaado maadaama uu horyaalku gabogabo yahay
Muqdisho City Club ayaa daqiiqaddii 15aad heshay gool hogaanka ciyaarta u dhiibay waxaana u saxiixay ciyaaryahanka lambarka 12aad Cabdimajiid Cusmaan kaasoo caawin ka ka helay laacibka Xasan Santos
Isla qeybta hore ee kulanka ayey MCC sii dheereysatay hogaanka markii goolkii 2aad uu u dhaliyey ciyaaryahankooda lambarka 25aad Stephan Adjimane Daqiiqadii 34aad caawin uu ka helay markale Xasan Santoos,sidaa ayaana qeybtaasi koobaad lagu kala nastay 2-0 oo MCC hogaanka ku heeysay.
Qeybtii labaad ee kulanka ayey dhinacyadu sameeyeen isku dayo ay ku doonayeen iney shabaqa ku dhaafaan laakin uma suurto gelin,wuxuuna kulanka guud ahaan kusoo dhamaaday 2-0 oo kooxda MCC guushu ku raacday, Muqdisho City oo hadda saddex dhibic hogaanka kaga horeeysa Kooxda Horseed oo beri la balansan Jeenyo,
Garsooraha ciyaarta C/Fataax Siciid Mire ayaa kulanka ka saaray lambarka 2aad MCC Siduba Kamaara daqiiqadii 53aad kaddib markii teesto la dhacay kabtanka midnimo Ayman,
Sidoo kale wuxuu kaarka Digniinta u taagay No 16aad Qeys Cabdule daqiiqadii 39aad,no 24aad Yaxye Xaaji daqiiqadii 33aad iyo Ayman Maxamed daqiiqadii 54aad.
