Kooxda kubbadda cagta Muqdisho City ayaa ku jirto diyaar garoow ka hor kulanka (Play Off ) ama lagu kala saarayo labada kooxood ee ku tartamayo horyaalka heerka koowaad ee dalkeenna Somali Premier League, Horseed iyo MCC,
Kooxda difaacaneyso horyaalka heerka koowaad ee dalkeenna MCC ayaa maanta tababar ku samaysay garoonka kubadda cagta Muqdisho Stadium, labada kooxood ee iskugu soo haray ku guuleysiga horyaalka S.P.L Horseed iyo MCC ayaa lagu kala saari doona kulan kala bax ah maadaama ay min 38-dhibcood ay wadaagaan marka la eego sharciyada u degsan xiriirka soomaaliyeed ee kubadda cagta waxa uu qorayaa haddii labo kooxood oo ku tartamayo horyaalka dalka ay isku dhibco noqdaan lagu kala saarayo kulan kala bax ah,
Shalay ayey aheyd markii lagu go,aamiyay kulan ay wada qaateen madexda xiriirka kubadda cagta iyo wasiirka dhalinyarada iyo cayaaraha Xamsa Saciid iyo guddoomiyaha gobalka banaadir ahne duqa muqdisho Cumar Filish war saxaafadeed ay soo saareen kulanka kaddib ayaa lagu sheegay in 02-Agoosto 2021 maalinta isniinta ay la cayaari doono kulanka fiinaalka iyadoo lagu cayaari doono garoonka kubadda cagta Eng-yariisoow.
Si kastaba kooxaha Muqdisho City iyo Horseed kulankan wuxuu u yahan mid muhiim ah waxaana horyaalka la guddoomi doonto kooxda ku guuleysato kulanka kala baxa xili cayareedka 2020/2021 ee Somali Premier League,
