Kooxda kubadda cagta Dekaddaha ayaa warbaahinta u xaqiijisay inuu kooxda katagay cayaaryahan Cabdiweli Cabduraxmaan Weliij kaas oo daafaca bidix kaga cayaarayay kooxda Dekaddaha tan iyo 2016-kii uu naadiga ku soo biiray.
War qoraal ah oo kooxda kubbadda cagta Dekaddaha ku dabaacday barta Facebook ay ku leeyihiin ayey kooxda ku xaqiijisay in uu katagay Cabweli waliij, kooxda ma faah-faahin sababaha bixitaanka daafaca bidix hase yeeshee waxey sheegeen iney u rajeenayaan nasiib wacan.
Cayaaryahan Cabdiweli Waliij ayaa kooxda Dekaddaha ka tirsanaa shantii sano ee ugu dambeysay wuxuuna kooxda Dekaddaha kula guulaystay labo horyaal oo ah Somali Premier League iyo labo koob oo ah koobka Super Cupaha dalka oo loo dhigo kooxaha ku kala guulaystay horyaalka iyo koobka Genaral Daa’’uud.
Si kastaba warar hoose oo ay heshay Astaan Sports ayaa ku waramayo in saacadaha soo aadan uu Cabdiweli Waliij ku biiri karo midkood kooxaha kala ah Elaman SC iyo kooxda difaacaneyso horyaalka heerka koowaad ee dalka Somali Premier League ee Horseed SC.
