SAWIRRO: Kooxda Kubbadda Cagta Elaman Oo Dib Ula Soo Warreegtay Cayaaryahan Muhiim Ah.
Cayaaryahan Abdikaadir Siidoow Cali (Seyga Ruushka ) ayaa dib ugu laabtay kooxdiisa hore ee Elman, cayaaryahanka khadka dhexe ayaa hal xili cayaareed ku qaatay kooxda kubbadda cagta Heegan xili cayaareedkii dhammaaday horyaalka heerka koowaad Somali Premier League 2020-2021.
Sawirro muujinayo in cayaaryahanka uu dib ugu laabtay kooxdiisii hore Elaman SC, ayey naadiga ku baahisay barta Facebook ay ku leedahay wax faah-faahin dheeri ah oo ku saabsan hishiiska uu dib ugu laabtay cayaaryahan Abdikaadir Sidoow kooxdiisa hore kuma xusneen qoraalka, hase yeeshee waxey kooxda Elaman xaqiijisay iney dib ula soo warreegeen mid kamid cayaartoyda ugu wanaagsan khadka dhexe kaas oo hore ugu soo cayaaray kooxda kubbadda cagta Elaman uu haatan ku laabtay.
Tan iyo markii naadiga Elman SC ay u dhacday horyaalka heerka labaad ee dalkeenna markii ugu horreysay taariikhda waxey kooxda kubbadda cagta Elman ku dhawaaqday saxiixyo waaweyn waxey aheyd tudabaadkii hore markii ay Elman la warreegtay Cabdweli weliij kaas oo kaga soo biiray kooxda Dekaddaha sidoo kale bilihii ugu dambeeyaya kooxda Elaman ayaa hishiisyo muddo kordhin ah ka saxiixatay illaa 4 cayaaryahan oo ka tirsan safka koowaad ee kooxda Elman SC.
Si kastaba Abdikaadir Siidoow Cali Seyga Ruushka oo kamid ah cayaartoyda ugu wanaagsan khadka dhexe horyaalka Dalkeenna Somali Premier League ayaa kooxda Heegan ka caawiyay iney ku dhammaysato kaalinta 3-aad ee kala sareynta horyaalka heerka koowaad Somali Premier League xili cayaareerkii dhammaaday 2020-2021.
