Waxaa diyaar garoow ku jiro dhammaan degmooyinka iyo deegaanada sanadkan ka qayb galayo tartaka kubbadda cagta degmooyinka & deegaanada Gobalka Banaadir, shalay galab waxaa garoonka Eng-yariisoow ee degmada Cabdicasiis tababar ku sameeyay cayaartoyda degmada kaaraan ku matalayo tartanka kubbadda cagta degmooyinka, degmada Kaaraan waxey kamid tahay degmooyinka ugu taageeraha badan marka la eego degmooyinka kale ee ka qayb galayo tartanka kubbadda cagta degmooyinka iyo deegaanada Gobolka Banaadir.
Macalin Cali Dheere oo ah Macalinka hoggaamin doono degmada Kaaraan oo Astaan Sports kula hadlay guddaha garoonka Eng-yariisoow ayaa sheegay in sanadkaan cayaartoy Da’yar u badan ay diyaariyeen wuxuuna intaa kudaray in rajo wanaagsan ay ka qabaan in meel wanaagsan ay ka gaaraan tartanka degmooyinka iyo deegaanada Gobolka Banaadir.
Degamada Kaaraan ayaa ku jirto Guruub C oo kamid ah guruubyada ugu adeg tartanka waxaana kula jiro degmooyinka kala ah Xamar Jajab, Hodan, Daarusalaam, iyo degmada Kaxda.
