SAWIRRO: Degmooyinka Shingaani & Warta-nabadda. Oo Ku Hishiiyay Barbardhac.
Kulan cayaareedkan oo qayb ka ahaa Guruubka A oo u dhexeeyay degmada difaacaneyso tartanka degmooyinka Shingaani & Warta-Nabadda ayaa galabta lagu cayaaray garoonka Eng-yariisoow waxaan garoonka u soo daabasho tagay taageerayaal kala taageerayay labada degmo.
Qaybtii koowaad ee kulanka waxey soo bandhigeen labada degmo cayaar awood ahaan garbo siman ku socotay oo aad u soo jiidatay dadkii daawanayay walloow labada dhinac iskudayo ay sameeyeen, hase yeeshee wax gool ah la iskama dhalin waxaana lagu kala nastay 0-0 qaytii koowaad ee kulanka.
Marka dib la isgu soo laabtay qaybtii labaad ee kulanka labada degmo waxey la soo laabteen cayaar weerar iyo weerar celis ah walloow fursadaha ugu badan qaybtii labaad ay soo mareen degmada Warta-nabadda inkastoo degmada Shingaani dhankooda ay abuureen fursado waxaana 90-ka daqiiqo la isku mari waayay 0-0 oo labada degmo ay ku kala baxeen cayaartoodii labaad ee guruubka A.
Garsoore Cabdullaahi Xaaji oo ahaa garsooraha kulankan ayaa bixiyay kaarka digniinta waxaana degmada difaacaneyso tartanka ee Shingaani loo taagay lambarka 12-aad Amiin Maxamed Cabdi daqiiqadii 13-aad lambarka 8-aad Xasan Cabdi daqiiqadii 42aad dhanka degmada Warta-Nabadda waxaa la siiyay labarka 27-aad Ibraahim Abuukar daqiiqadii 39aad ma jirin calaamada guduudan in la bixiyo kualnkan u dheexeeyay Degmooyinka Shingaani iyo Warta-nabadda.
Guruubka A waxaa min 4-dhibcood wadaago Degmooyinka Xamar Wayne iyo Shingaani halka Warta-nabadda leedahay labo dhibcood Garsabaaley iyo Gubadleey ayaa leh min hal dhibic.
WQ/Daacad
