SAWIRRO: Warta Nabadda oo xaqiijisey wareegga labaad koobka degmooyinka kadib guul weyn oo ay ka gaareen Garas-baalley
Kooxda degmada Warta Nabadda ayaa xaqiijisey iney sooo gaartay wareega Bug baxda koobka kubadda cagta degmooyinka Gobolka banaadir iyo deegaanada 2-21 kadib markii guul weyn ay ka gaartay dhigeeda Garasbaalleey oo ay ku ciyaareen garoonka Eng-yariisoow ex konis,
Kulanka labada dhinac ayaa ku biloowday weerar iyo weerar celis, waxaana muuqatay in kooxda Degmada Warta-nabadda ay sameeyneysay dadaal ay kuu doanaayeen iney hogaanka ku qabtaan waxaana u suuurtagashay iney helaan Goolkii 1aad waxaa daqiiqadii 12-aad u dhaliyay ciyaaryahanka lambarka 7aad Cabdikariin Cabdullaahi Axmed, sidoo kale waxay heleen gool kale waxaana Goolkii 2aad u dhaliyay lambarka 14aad Maxamed Cabduraxmaan daqiiqadii 22aad.
Kooxda degmada Warta-nabadda oo u muuqatay mid si awood ah ku maquunineysay dhigeega Garaska ayaa heshay daqiiqad kadib Goolkii 3aad waxaa dhaliyay Lambarka 21ad Maxamed nuur maxamed daqiiqadii 23aad, waxaadna mooday in Garas-Baalleey la quusiyey isla qeybtaasi hore sababtoo ah waxaa Goolkii 4aad oo ahaa Laad Xor ah ka dhaliyay no 23aad Maxamed Amiin daqiiqadii 30ad halka Goolkii 5aad uu markale ka dhaliyey dhaliyay xidiga kulanka Maxamed Amiin daqiiqadii 45aad.
Markii lasoo laabtay qeybta 2-aad ayey Warta-Nabadda sii waday weerar ay kusii dooneysay goolal kale iyagoo ku fekeraya in guruurbka ay kujiraan Shingaani iyo Xamar Weyne oo ay isasoo arkeen waxaase kooxda Garas-Baalley ay heshay Goolka Calanka oo uu u saxiixay ciyaaryahan lambarka 24aad Cabdirisaaq
sidaana kulanku kusoo dhamaaday 5-1 oo ay guushu ku raacday Warta-Nabadda oo 8-dhibic ku xaqiijisey iney wareegga Bug-baxda usoo baxday, waallow aan la xaqiijin karin in kaalinta koobaad ama Labaad ay geli doonto, maadaama Shingaani yeelatay 7-dhibic kulana u haray.
Jaale Garasbaaley 0
Casaan Garasbaaley 0
Degmada Warta-Nabadda Dhankeeda
Jaale Warta-Nabadda 3
Waxaa la siiyay no 21aad Maxamed Nuur daqiiqadii 43aad
Waxaa la siiyay no 22aad Sakariye daqiiqadii 78aad
Waxaa la siiyay goolhaye xasan karaama daqiiqadiii 66aad
Casaan Warta-Nabadda 0
Garsoore Najiib Cawil Xasan
