SAWIRRO: Degmooyinka Kaaraan & Xamar Jajab Oo Is Mari waayay Kulan Ka Tirsanaa Tartanka Degmooynka.
kulankan oou dhexeeyay degmooyinka Kaaraan & Xamar Jajab kana tirsanaa Guruubka C tartanka degmooyinka iyo deegaanada gobolka banaadir ayaa galabta lagu cayaaray garoonka kubbadda cagta Eng-yariisoow ee degmada Cabdicasiis, waxaana galabta garoonka soo camiray taageerayaal kala taageerayay labada degmo.
Labada degmo Hodan iyo xamar Jajab ayaa horey u soo cayaaray min labo kulan heerka guruubka c waxaana kulankan degmo kasto uu u ahaa kulankii saddexaad taas oo ka dhigan in degmo walbo hal kulan u harsan yahay heerka guruubka, qaybtii hore ee cayaarta labada degmo waxey soo bandhigeen cayaar qaab daafac ah koox walbo waxey iska ilaalineysay in gool laga dhalyo taas oo keentay in lagu kala nasto 0-0 45-ta daqiiqo ee koowaad.
Marka dib la isugu soo laabtay qaybtii labaad ee cayaarta labada degmo waxey la soo laabteen qaab cayaareed weerar iyo weerar celis waxaana jiray fursado ay abuureen labada dhinac hase yeeshee natiijada cayaarta ayaa ku soo dhammaatay 0-0 guruubka c ayaa lagu kala bixi doonaa kulamada ugu dambeeyo heerka guruubka marka la cayaaro.
Garsoore Nuuradiin Ibraahim ayaa bixiyay kaarka digniinta waxaana degmada kaaraan laga siiyay cayaartoyda kala ah lambarka 7-aad Cabduraxmaan Maxamed daqiiqadii 31-aad, lambarka 4-aad Cabaas Xuseen daqiiqadii 46-aad, lamarka 2-aad Salaad Xasan daqiiqadii 80-aad, Dhanka degmada Xamar Jajab waxaa la siiyay kabtan Cali Xasan Siidi daqiiqadii 45aad iyo lambarka 17-aad Xasan Cusmaan daqiiqadii 70-aad.
Guruubka C degmooyinka Hodan Kaaraan ayaa leh min 5-dhibcood halka degmada Kaxda iyo Xamar Jajab ay leeyihiin min 4-dhibcood deegaanka Daarusalaam ayaa leh 2-dhibcood waxaana guruubkan la xaqiijin doona degmooyinka u gudbi doono warreegga sideed dhammaadka marka la cayaaro kulamada ugu dambeeyo.
