Waxaa shalay ka furmay magaalada Muqdisho tartan kubadda cagta ah oo Astaan Sports sanadkii labaad oo xiriir u qabanayso cayaartoyda maqalka la’ ee ku nool caasimada Muqdisho.
Tartankan waxaa ka qaybgalayo illaa iyo 12 kooxood oo ku kala cayaarayo magacyada xaafaddaha magaalada Muqdisho, waxaana uu shalay si rasmi ah ugu furmay garoonka kubbadda cagta Macquul Stadium ee degmada Waaberi.
Furitaanka tarka kubbadda cagta cayaartoyda maqalka la’ waxaa ka soo qaybgalay xubno ka socday maamulka cayaaraha gobolka Banaadir, maamulka Astaan Sports garsoorayaal heer caalami iyo mart sharaf kale oo madashada qudbado kala duwan ka jeediyay.
Cayaarta furitaanka waxey dhexmartay labada kooxood ee kala ah Seybiyaano & Carafaad, labada kooxood ayaa soo bandhigay cayaar aad u qurux badan waxaana natiijada kulanka ku soo dhammaatay 5-1 ay ku adkaatay kooxda ku cayaareysay xaafada Seybiyaano.
Natiijooyinka tartanka cayaartoyda maqalka la’ waxaan si joogta ah idinkugu soo gudbin doonaa Website-ka Astaansports.com.
