SAWIRRO: Kooxda Ceel-hindi oo guul muhiim ah ka gaartay dhigeeda Baar Ubax tartanka cayaartoyda maqalka la’
Kulan cayaareedkan oo ka tirsanaa guruubka B tartanka kubbadda cagta cayaartoyda maqalka la’ ayaa lagu cayaaray garoonka kubbadda cagta Macquul Stadium ee degmada Waaberi.
Cayaartan oo u dhexeesay kooxaha kala ah Ceel-hindi & Baar Ubax waxaa u soo daabasho tagay dhallinyaro aad u xiiseeyo daawashada cayaaraha kubbadda cagta, waxaana garoonka uu ahaa mid aad u camiran labada kooxood ayaana soo bandhigay cayaar awood ahaan garbo siman.
Qaybtii koowaad ee cayaarta waxaa hoggaanka u dhiibay kooxdiisa Baar Ubax cayaaryahanka lambarka 9-aad Maxamed Burci daqiiqadii 4-aad ee bilowgii horre cayaarta, hase yeeshee kooxda Ceeli-hindi ayaa la timid goolka barbaraha daqiiqado yar kaddib waxaana u dhiliyay lambarka 9-aad Maxamed Ibraahim, waxeyna aheyd gool-kulaad kaddib markii kubbada gacanta kaga dhacday mid kamid ah cayaartoyda kooxda Baar Ubax daqiiqadii 12-aad ee kulanka.
Kooxda Ceel-hindi ayaa la timid goolka guusha intaan la aadin qaybta nasashada waxaana u dhaliyay cayaaryahanka lambarka 10-aad Maxamed Maxamuud daqiiqadii 20-aad waxaana loo taagay kaarka casaanka kaddib markii uu maaliyada iska siibay taas keentay in la siiyo kaarkii labaad sidaasna cayaarta looga saaray, natiijada cayaarta ayaana ku soo dhammaatay 2-1 oo ku adkaatay kooxda Ceel-hindi.
Garsooraha kulanka Axmed Cali Jimcaale ayaa bixiyay kaarka hurdiga iyo kaarka casaanka cayaaryahanka lambarka 10-aad Maxamed Ibraahim ayaa cayaarta laga saaray kaddib markii uu qaatay kaarkii labaad halka kooxda Baar Ubax oo loo taagay hal kaar oo ah kaarka digniinta.
Si kastaba kooxda Ceel-hindi ayaa heshay saddexdii dhibcood ee ugu horreysay kulankoodii koowaad marxalada guruubka B.
