SAWIRRO: Kooxda difaacaneyso koobka cayaartoyda maqalka la’ ee Shiirkole oo guul ku furatay.
Kooxda kubbadda cagta Shiirkole oo ku guuleysatay sanadkii hore tartanka kubbadda cagta cayaartoyda maqalka la’ ayaa guul ku furatay kulankii koowaad ay cayaaraan Guruubka C, kaddib markii ay ka adkaadeen kooxdo Maajo.
Kulankan oo ahaa mid aad u xiiso badan labada kooxood ayaa soo bandhigay cayaar qurux badan daqiiqadii 11-aad waxaa hoggaanka cayaarta u dhiibay kooxdiisa kabtanka Shiirkole Cabdiwahaab Shire waxaana uu cayaarta ka dhigay 1-0.
Hase yeeshee dhammaadkii qaybtii koowaad ayey dhaliyeen goolka barbaraha cayaartoyda kooxda Maajo waxaana kubad ahayd laadka xurta (Free Kick) shabaqa kooxda Shiirkole ku hubsaday kabtanka kooxda Maajo cayaaryahanka lagu magacaabo Nuur Maxamed daqiiqadii 20-aad, qaybtii hore ayaa lagu kala maray 1-1 oo labada kooxood isku mari waayeen.
Marka dib la isgu soo laabtay qaybtii labaad ee cayaarta kooxda Shiirkole ayaa sii dheereysatay hoggaanka cayaarta waxaana u dhaliyay goolkii labaad cayaaryahanka lambarka 5-aad Cali Mire Salaad daqiiqadii 23-aad ee kulanka.
Kooxda kubbadda cagta Shiirkole oo difaacaneyso tartanka cayaartoyda maqalka la’ waxaa goolkii saddexaad ee cayaarta u saxiixay cayaaryahanka lambarka 4-aad Najiib Maxamed daqiiqadii 43-aad, natiijada cayaarta ayaa ku soo dhammaatay 3-1 oo ku adkaatay kooxda Shiirkole.
Garsoore Cabdullaahi Xaaji oo ahaa garsooraha kulanka ayaa bixiyay calaamada hurdiga kooxda Shiirkole waxaa loo taagay cayaaryahanka lambarka 8-aad C/wahaab Shire halka kooxda Maajo la siiyay xiddigaha kala ah Bile Maxamed lambarka 11-aad iyo cayaaryahanka lambarka 8-aad Nuur Maxamed u xirto kooxda xaafadda Maajo.
Si kastaba weli waxaa soconayo kulamadii koowaad ee heerka guruubka tartanka cayaartoyda Maqalka la’
