SAWIRRO: Kooxda Towfiiq oo guul muhiim ah ka gaartay dhiggeeda Baar Ubax tartanka cayaartoyda maqalka la’
Kulankan oo u dhexeeyay kooxaha Towfiiq & Baar Ubax kana tirsanaa Guruubka B tartanka cayaartoyda maqalka la’ ayaa lagu cayaaray garoonka kubbadda cagta Macquul Stadium,
Cayaartan oo ahayd mid aad u adag waxey muujiyeen labada kooxood cayaar awood ahaan garbo siman ku socotay cayaaryahanka lambarka 9-aad Caydaruus Abuukar ayaa hoggaanka u dhiibay kooxdiisa Towfiiq daqiiqadii 17-aad, goolkaasi ayaa lagu kala maray qaybta nasashada ee kulanka.
Marka dib la isugu soo laabtay qaybtii labaad ee cayaarta kooxda Towfiiq ayaa la timid goolkii labaad ee kulanka waxaana u saxiixay cayaaryahanka lambarka 10-aad Xasan daqiiqadii 29-aad, kaas oo beddel ku soo galay cayaarta qayb labaad ee kulanka.
Dhanka kale kooxda kubbada cagta Baar Ubax waxey soo bandhigeen cayaar weerar ah labada qayb ee kulanka, hase yeeshee uma suurogalin iney helaan gool, natiijada cayaarta ayaana ku soo dhammaatay 2-0 ay ku adkaatay kooxda Towfiiq.
Garsooraha kulanka ayaa bixiyay saddex calaamad oo ah kaarka hurdiga waxaana labo ka mid ah loo taagay xiddigaha cayaartoyda kooxda Towfiiq Caydaruus Abuukar lambarka 9-aad iyo Kamaal Caydaruus Cumar oo lambarka 5-aad u xirto kooxda Towfiiq halka cayaartoyda kooxda Baar Ubax la siiyay hal kaar waxaana qaatay cayaaryahanka lambarka 6-aad Maxamuud Maxamed ma jirin calaamad kale oo garsooraha bixiyay.
Si kastaba guusho ay gaartay kooxda Towfiiq waxey u ahayd guul muhiim ah marka la eego farqiga dhibcaha maadaama kulankii hore ay guuldarro kala soo kulmeen kooxda Ceel-hindi tartanka cayaartoyda maqalka la’
