Kooxda kubbadda cagta Maajo ayaa guul muhiim ah ka gaartay kooxda Busley kulan ka tirsanaa Guruubka C tartanka cayaartoyda maqalka la’ oo si xiiso leh ugu socdo garoonka Macquul Stadium ee Degmada Waaberi.
Cayaarta oo ahayd mid aad u adag waxey labada kooxdood soo bandhigeen kubbad weerar iyo weerar celis ah, goolka guusha waxaa u saxiixay kooxda Maajo cayaaryahanka lambarka 8-aad Nuur Maxamed kaas oo sidoo kale soo bandhigay cayaar qurux badan.
Cayaartoyda kooxda Busley waxey abuureen fursado badan labada qayb ee kulanka hase yeeshee uma soorogelin iney dhaliyaan gool taas oo keentay in natiijada cayaarta ku soo dhammaatay 1-0 ay ku adkaatay kooxda xaafadda Maajo.
Garsoor Haaruun Kulmiye ayaa bixiyay shan calaamad oo ah kaarka digniinta marka la eego khaladaadka ka dhacay cayaarta waxaa afar kaar oo ka mid ah la siiyay xiddigaha kooxda Busley cayartoyda kala ah Liibaan Ciise Rage lambarka 11-aad, C/Naasir Axmed lambarka 4-aad, Fataax Cabdi Xaaji lambarka 8-aad, iyo Liiban Maxamed Axmed lambarka 6-aad halka cayaartoyda kooxda Maajo hal kaar loo taagay waxaana qaatay cayaaryahanka lambarka 8-aad, Nuur Maxamed ma jirin calaamad kale oo garsooraha kulanka bixiyay.
Si kastaba guusha kooxda Maajo ay ka gaartay kooxda Busley waxey u ahayd guul muhiim ah Guruubka C tartanka cayaartoyda maqalka la’
