SAWIRRO: Kooxda Towfiiq oo u guddubtay afar dhammaadka tartanka cayaartoyda maqalka la’
Kulankan oo ahaa kulankii ugu dambeeyay wareegga sideed dhammaadka tartanka cayaartoyda maqalka la’ ayaa dhex maray kooxaha Towfiiq & Buul Xubey labada kooxood ayaa soo bandhigay cayaar weerar iyo weerar celis ah.
Waxaa garoonka soo camiray taageerayaal aad u badan oo kala taageerayay labada dhinac, qaybtii koowaad ee cayaarta labada kooxood waxey abuureen fursado goolal loo filan karay hase yeeshee waxey isku mari waayeen 0-0 waxaana lagu kala saaray Gool kulaadyo kooxda Towfiiq ayaa ku soo guddubtay 3-2 iyadoo la cayaari doonto afar dhammaadka tartanka kooxda Juungal.
Garsoore Axmed Baroodo ayaa bixiyay saddex calaamad oo ah kaarka digniinta waxaana labo ka mid ah loo taagay cayaartoyda kooxda Towfiiq xiddigaha kala ah lambarka 11-aad Maxmed Cabdi iyo lambarka 9-aad Caydarus Abuukar dhanka kooxda Buul Xubey waxaa la siiyay hal kaar oo kaarka digniinta waxaana la siiyay lambarka 4-aad Ridwaan Cali Madowe ma jirin calaamad kale uu garsoore Baroodo bixiyay.
Si kastaba kooxda Towfiiq ayaa la cayaari doonto afar dhammaadka tartanka cayaartoyda maqalka la’ kooxda Juungal halka Shiirkole oo difaacaneyso tartanka ay la cayaari doonaan xaafadda Maajo.
