SAWIRRO: Isku-aadka tartanka Kubbadda cagta Degmooyinka ee Orgi Cup 2022 oo la sameeyay.
Xarunta dhexe Astaan Sports ee Magaalada Muqdisho waxaa lagu sameeyay isku-aadka tartanka kubbadda cagta Degmooyin ee Orgi Cup 2022.
Tartankan waxaa loo qabanayaa 12 Degmo waxaana kala matali doono qaar ka mid ah wariyaasha cayaaraha iyo dhallinyaro caan ka ah Baraha Bulshada, kuwaasi oo hoggaamin doono degmooyinka loo qabanayo tartankan Orgi Cup 2022, waxaana loo kala qaybiyay afar Guruub oo min saddex koox ah.
Koobkan loogu magacdaray Orgi Cup 2022, waxaa qabanayso Astaan Sports waxaana loogu talagalay is dhexgalka dhallinyarada xiiseyso cayaaraha kubbada cagta ee magaca kuleh Baraha Bulshada iyo wariyaasha Sportska ee ku nool caasimada Muqdisho.
Tartanka ayaa furmi doono isbuuca dambe waxaana lagu cayaari doonaa garoonka kubbadda cagta Macquul Stadium ee Degmada Waaberi.
Si kastaba ma ahan markii ugu horreysay oo Astaan Sports ay u qabato tartan kubbadda cagta dhallinyarada ku nool Muqdisho ee aadka u jacel cayaaraha kubbadda cagta.
