SAWIRRO: Degmada Cabdicasiis oo guul ku furatay tartanka K/koleyga Degmooyinka & Deegaannada Gobolka Banaadir
Degmada Cabdicasiis ayaa guul weyn ka gaartay degmada Boondheere kulan ka tirsanaa Guruubka C tartanka kubbadda koleyga Degmooyinka iyo Deegaannada Gobolka Banaadir.
Labada Degmo ayaa soo bandhigay cayaar aad u qurux badan waxaana qaybtii koowaad lagu kala nastay 13-4 dhibco gaarayo oo hoggaanka ku haysay Degmada Cabdicasiis.
Qaybtii labaad ee cayaarta Degmada Cabdicasiis waxey keensadeen dhibco gaarayo 27 halka Boondheere ay la timid 15 waxaana 12 dhibcood sidaas ku heshay Degmada Cabdicasiis oo wadarta guud kaga adkaatay Boondheere dhibco gaarayo 27-15.
Dhanka kale kulankii labaad ee lagu balansanaa iney cayaaraan Degmooyinka Warta-nabadda & Gubadley ayaa baaqday kaddib markii ay soo xaadiri waayeen Degmada Warta-Nabada waxaana 2-dhibcood sidaas ku heshay Degmada Gobadley. Oo soo xaadirtay sida uu sharciga qabo.
