Labo kulan oo ka tirsan tartanka kubbadda koleyga Degmooyinka iyo Deegaannada Gobolka Banaadir ayaa galabta lagu cayaari doonaa garoonka Wiish ee Degmada Cabdicasiis.
Kulanka koowaad ayaa dhexmari doono Degmooyinka Xamar Wayne & Dharkenley cayaartan ayaa bilaawan doonto 03:00pm xilliga magaalada Muqdisho.
Marka ay soo dhammaato cayaarta koowaad, waxaa kulanka labaad wada cayaari doono Degmooyinka Xamar Jajab & Waaberi cayaarahan ayaa ka tirsan Guruubka D ee ku wada jiraan Degmooyinka cayaarayo galabta.
Tartanka kubbadda koleyga Degmooyinka iyo Deegaannada Gobolka oo si xiiso leh ugu socdo garoonka kubbadda koleyga Wiish Stadium ee Degmada Cabdicasiis ayaa furmay Sabtigii la soo dhaafay waxaana sannadkan ka qaybgalayo 17 Degmo iyo saddex Deegaan.
