SAWIRRO: Degmada Cabdicasiis oo guul muhiim ah ka gaartay tartanka kubbadda koleyga Degmooyinka.

Degmada Cabdicasiis ayaa gaartay guushii labaad tartanka kubbadda koleyga Degmooyinka iyo Deegaannada Gobolka Banaadir kaddib markii ay galabta ka adkaatay Deegaanka Gobodley.

Qaybtii koowaad ee cayaarta labada Degmo waxey isku mari waayeen 12-12, hase yeeshee waxey cayaarta is beddeshay qaybtii labaad.

Degmada Cabdicasiis ayaa keensatay 33 dhibcood halka Gubadley ay la timid 21 dhibcood waxaana 12-dhibic guusha ku qaadatay Degmada Cabdicasiis.

Garsoorayaasha dhexe cayaarta waxey kala ahaayeen Bile Cabdi Cabdalla iyo Suleymaan Bashiir, cayaarta ayaana ku soo dhammaatay jawi degan.

Si kastaba Degmada Cabdicasiis ayaa gaartay galabta guushii labaad oo xiriir ah Guruubka C iyagoo kulankii koowaad soo garaacay Degmada Boondheere.