Degmada Heliwaa ayaa guul wayn ku furutay tartanka kubbadda koleyga Degmooyinka iyo Deegaannada Gobolka Banaadir kaddib markii ay ka adkaatay Degmada Kaxda.
Cayaartan oo ka tirsanayd Guruubka B waxay labada degmo qaybtii hore kala heleen dhibco gaarayo 9-5 oo hoggaanka ku haysay Degmada Heliwaa.
Degmada Heliwaa ayaa heshay qaybtii labaad 40-dhibcood halka Kaxda ay la timid 23-dhibcood waxaana 17-dhibic guusha ku qaadatay Degmada Heliwaa oo guul wayn ku furutay tartanka kubbadda koleyga Degmooyinka iyo Deegaannada Gobolka Banaadir.
Markii ay cayaarta ay soo dhammaatay waxaa Astaan Sports kula hadlay gudaha garoonka kubbadda koleyga Wiish Stadium, macalin Saciid oo ah macalinka Degmada Heliwaa waxaana uu sheegay iney rajo wayn ka qabaan iney ka soo baxaan Guruubka B sidoo kale ay u tartamaan ku guulaysiga koobka kubbadda koleyga Degmooyinka.
Guruubka B ayaa ka mid ah guruubyada ugu adag tartanka kubbadda koleyga, Degmada Heliwaa waxaa kula jiro Degmooyinka kala ah Shibis, Shingaani, Deyniile iyo kaxda.
