SAWIRRO: Degmada Hodan oo gaartay guushii koowaad tartanka kubbadda koleyga Degmooyinka.
Degmada Hodan ayaa galabta gaartay guushii koowaad tartanka kubbadda koleyga Degmooyinka kaddib markii ay garaaceen Degmada Dharkenley.
Qaybtii koowaad Degmada Hodan ayaa la timid 26 dhibcood halka Dharkenley ay heshay 10-dhibcood sidaas ayaa lagu kala nastay.
Qaybtii labaad Degmada Hodan ayaa heshay 61 halka Dharkenley ay la timid 28 waxaana 33-dhibcood ku adkaatay Degmada Hodan.
Garsoorayaasha dhexda kulankii galabta waxey kala ahaayeen Maxamed Cabdullaahi iyo Cabdisalaan Waayeel ma jirin labada dhinac cayaaryahan laga saaray cayaartii galabta kulanka ayaana ku soo dhammaaday si wanaagsan.
Degmada Hodan guusha ay ka gaartay Dharkenley waxay sii adkeyneysaa Guruubka D maadaama Dharkenley ay kulankii hore ka soo adkaatay Degmada Xamar Wayne halka Hodan kulankii koowaad ay galabta cayaartay.
