Deegaanka Gubadley ayaa galabta ka adkaatay Degmada Boondheere kulan ka tirsanaa tartanka kubbadda koleyga Degmooynka iyo Deegaannada Gobolka Banaadir, qaybtii koowaad ayaa lagu kala maray 9-20 oo hoggaanka ku haysay Degeenka Gobadley,
Qaybtii labaad ee cayaarta Deegaanka Gubadley ayaa heshay 26 dhibcood halka Degmada Boondheere ay la timid 22 waxaana 4 dhibcood guusha ku qaadatay Deegaanka Gubadley.
Garsoorayaasha dhexe ee kulankii galabta waxey kala ahaayeen Bile Cabdi Cabdalla iyo Abuukar Xasan Muudey ma jirin cayaaryahan laga saaray kulankan ka tirsanaa Guruubka B tartanka Degmooyinka iyo Deegaannada Gobalka Banaadir.
Guushii galabta Deegaanka Gobadley waxey u ahayd guul muhiim ah kulankii hore waxey si fudud ku heleen dhibcaha kulanka maadaama ay soo xaadiri waayeen cayaartoyda Degamada Warta-Nabadda galabtana waxey ka adkaadeen Degmada Boondheere.
