SAWIRRO: Degmada Yaaqshiid oo guul muhiim ah ka gaartay tartanka k/koleyga Degmooyinka.
Kulankan oo ka tirsanaa Guruub-ka C tartanka kubbadda koleyga Degmooyinka iyo Deegaannada Gobolka Banaadir ayaa galabta dhexmaray Degmada Yaaqshiid iyo Deegaanka Gubadley.
Labada dhinac ayaa soo bandhigay cayaar aad u qurux badan oo taageerayaasha aad ula dhaceen, Degmada Yaaqshiid ayaa guushii saddexaad galabta ka heshay Deegaanka Gubadley cayaar ku soo dhammaatay 19-88 waa dhibcihii ugu badnaa oo Degmo ku adkaatay inta uu socdo tartanka k/koleyga Degmooyinka iyo Deegaannadda Gobolka Banaadir heerkiisa Guruubyada.
Garsoorayaasha dhexe kulankii galabta waxey kala ahaayeen Axmed Baroodo iyo Bile Cabdi Cabdalla, cayaarta ayaana ku soo dhammaaday jawi degan maadaama inta badan kulamada tartaka k/koleyga ay u baaqan jireen roobab ka da’ayo caasimada Muqdisho.
Guusha ay gaartay Degmada Yaaqshiid ayaa ka dhigan guushii saddexaad waxaana kulanka ku soo wajahan ay la cayaari doonaan Degmada Cabadicasiis, halka Gubadley ay soo gaartay guuldaradii labaad tartanka Degmooyinka iyo Deegaannada Gobolka Banaadir.
