SAWIRRO: Degmooyinka Yaaqshiid & Cabdicasiis oo u gudbay wareegga sideed dhammaadka tartanka k/koleyga.
Degmooyinka Yaaqshiid iyo Cabdicasiis oo u gudbay wareegga sideed dhammaadka tartanka kubbadda koleyga Degmooyinka iyo Deegaannada Gobolka Banaadir ayaa galabta ku wada cayaaray garoonka Wiish ee Degmada Cabdicasiis.
Degmada Yaaqshiid oo aan marna laga adkaan ayaa guul ka gaartay Degmada Cabdicasiis cayaar ku soo dhammaatay 56-53 taas oo ka dhigan in Degmada Yaaqshiid ku soo baxday kaalinta koowaad Guruubka C halka kaalinta labaad ee ku soo gudubtay Degmada Cabdicasiis oo galabta guuldarro kala kulantay Degmada Yaaqshiid.
Guruubka C waxaa ka haray Degmooyinka kala ah Warta-nabadda, Boondheere iyo Deegaanka Gobadley, kulankii galabta waxaa garsoorayay Suleymaan Sh Bashiir iyo Ayuub Maxamuud.
Si kastaba Guruubka C waxaan laga adkaan kaliya Degmada Yaaqshiid oo dhammaan soo adkaatay kulamadii ay la soo cayaartay Boondheer, Gobadley, Warta-nabadda iyo Cabdicasiis halka kaalinta labaad ku soo baxday Degmada Cabdicasiis oo ka soo adkaatay Boondheere, Gobadley, iyo Warta-nabada, tartanka Degmooyinka iyo Deegaannada Gobolka Banaadir.
