Deegaanka Daarusalaam ayaa ka adkaatay Degmada Kaaraan kulan ka tirsanaa Guruubka A tartanka kubbadda koleyga Degmooyinka & Deegaannada Gobolka Banaadir.
Labada dhinac ayaa soo bandhigay cayaar qurux badan waxaana natiijada cayaarta ay ku soo dhamaatay 35-29 oo ku adkaatay Deegaanka Daarusalaam.
Garsoorayaasha kulankii galabta waxey kala ahaayeen Ayuub Maxamuud Muudey iyo Abuukar Muudey, ma jirin cayaaryahan laga saaray kulankan u dhexeeyay Degaanka Daarusalaam iyo Degmada Kaaraan.
Degmada Daarusalaam waxey guul gaareen labo kulan hal kulan waa laga soo adkaaday waxaa u harsan hal kulan oo la cayaari doonaan Degmada Wadajir haddii ay adkaadaan kulankaasi waxey u gudbi doonaan wareegga xiga ee tartanka kubbadda kolayga Degmooyinka.
Degmada Kaaraan oo wax guul ah aan gaarin ayaa haysato labo kulan oo la kala cayaari doonaan Degmada Wadjir iyo Deegaanka Garasbaaley tartanka kubbadda koleyga Degmooyinka iyo Deegaannada Gobolka Banaadir.
