SAWIRRO: Degmada Heliwaa oo gaartay guushii koowaad tartanka k/cagta Orgi Cup 2022.
Degmada Heliwaa ayaa gaartay guushii koowaad tartanka kubbadda cagta Orgi Cup 2022, kaddib markii ay ka adkaatay Degmada Kaxda kulan ka tirsanaa Guruubka A.
Qaybtii koowaad ee kulanka ayaa lagu kala nastay 3-2 oo hoggaanka ku haysay Degmada Kaxda oo soo bandhigta cayaar aad loo jecleysatay.
Hase yeeshee waxey waxlbo is beddeleen qaybtii labaad ee cayaarta maadaama cayaartoyda Heliwaa ay la soo laabteen cayaar ku dhisan weerar taas oo keentay iney natiijada cayaarta ku soo dhammaato 6-4 oo ku adkaatay Heliwaa.
Degmada Heliwaa kulankii hore waxey barbaro la gashay Degmada Kaaraan halka kaxda laga adkaaday labadii kulan ay la kala cayaartay Degmooyinka Kaaraan & Heliwaa tartanka kubbada cagta Orgi Cup 2022.
Guruubka A oo ku wada jiraan Degmooyinka Kaaraan, Kaxda, iyo Heliwaa waxaa min 4 dhibic wada leh Kaaraan iyo Heliwaa Degmi kasto waxey haysataa labo kulan Kaxda ayaa u baahan iney adkaato labada kulan ee u harsan maadaama rajada ay ku soo bixi karto ay aad u hooseyso tartanka kubbada cagta Degmooyinka.
