Degmada Hodan ayaa iska xaadirisay fiinaalka tartanka kubbadda kolayga Degmooyinka & Deegaannada Gobolka Banaadir, kaddib markii ay ka adkaatay Degmada Yaaqshiid kulan ka tirsanaa wareegga afar dhammaadka tartanka kubbada kolayga Degmooyinka & Deegaannada Gobolka Banaadir.
Cayaarta ayaa lagu kala nastay qaybtii koowaad 23-23 oo labada dhinac ay isku mari waayeen waxay ahayd cayaar aad u adag oo labada Degmo ay soo bandhigeen.
Marka dib la isugu soo laabtay qaybtii labaad ee cayaarta Degmo Hodan ayaa heshay 54 dhibcood halka Yaaqshiid ay la timid 52 dhibcood waxaana labo dhibic ku adkaatay Degmada Hodan oo iska xaadirisay fiinaalka tartanka kubbada kolayga Degmooyinka & Deegaannada Gobolka Banaadir.
Degmad Hodan ayaa gaartay fiinaalka tartanka iyadoon laga adkaan hal cayaar, waxaana la mid ah Degmada Shibis oo iska xaadirisay kama dambeysta tartanka kubbadda kolayga Degmooyinka iyagoon laga adkaan, labada Degmo ayaa wada cayaari doono fiinaalka tartanka Degmooyinka.
Si kastaba toddobaadkan ayaa la soo gabagabeen doontaa tartanka kubbadda kolayga Degmooyinka & Deegaannada Gobolka Banaadir oo sannadkan la qabtay tan iyo 2018kii, waxaana cayaarta kama dambeysta wada cayaari doono Degmooyinka kubbadda kolayga Hodan & Shibis.
